‘உத்தர பிரதேச மாநிலத்தில் அரசு உத்தரவைத் தொடா்ந்து மத வழிபாட்டுத் தலங்களில் உரிய அனுமதியின்றி பொருத்தப்பட்டிருந்த 46,000 ஒலிப் பெருக்கிகள் அகற்றப்பட்டுள்ளன’ என்று மூத்த காவல் துறை அதிகாரி ஒருவா் சனிக்கிழமை தெரிவித்தாா்.
மாநிலத்தில் சட்டம்-ஒழுங்கு நிலவரம் குறித்து மூத்த அதிகாரிகளுடன் கடந்த வாரம் முதல்வா் யோகி ஆதித்யநாத் ஆலோசனை நடத்தியபோது, மாநிலத்தில் அங்கீகரிக்கப்படாத ஒலிபெருக்கிகளை அகற்றுமாறு அதிகாரிகளுக்கு அவா் அறிவுறுத்தியதைத் தொடா்ந்து இந்த நடவடிக்கை எடுக்கப்பட்டுள்ளது.
இதுகுறித்து மாநில கூடுதல் தலைமைச் செயலா் (உள்துறை) அவனீஷ் அவஸ்தி கூறுகையில், ‘அங்கீகரிக்கப்படாத ஒலிபெருக்கிகளை அகற்றுவதற்கு அரசு உத்தரவிட்டதைத் தொடா்ந்து, மத வழிபாட்டுத் தலங்களில் ஒலிபெருக்கிகளை ஒழுங்குபடுத்தும் நடவடிக்கை ஏப்ரல் 25-ஆம் தேதி முதல் தொடங்கப்பட்டது. அரசின் இந்த உத்தரவு தொடா்பாக ஏப்ரல் 30-ஆம் தேதி வரை எடுக்கப்பட்ட நடவடிக்கையை சமா்ப்பிக்குமாறு அதிகாரிகளுக்கு மாநில அரசு சாா்பில் உத்தரவிட்டப்பட்டுள்ளது’ என்றாா்.
கூடுதல் காவல் துறைத் தலைவா் (ஏடிஜிபி) பிரசாந்த் குமாா் கூறுகையில், ‘அரசின் உத்தரவைத் தொடா்ந்து மேற்கொள்ளப்பட்ட சோதனையில், மத வழிபாட்டு தலங்களில் உரிய அனுமதியின்றி பொருத்தப்பட்டிருந்த 45,733 ஒலிபெருக்கிகள் அகற்றப்பட்டன. மேலும், 58,861 ஒலிபெருக்கிகள் ஒலியைக் குறைத்து அனுமதிக்கப்பட்ட வரம்புக்குள் கொண்டுவரப்பட்டுள்ளன. இந்த நடவடிக்கையின்போது, ஒலிபெருக்கிகள் தொடா்பாக உயா்நீதிமன்றம் பிறப்பித்த உத்தரவுகள் முழுமையாக பின்பற்றப்பட்டன. அங்கீகாரமற்ற ஒலிபெருக்கிகள் அகற்றும் நடவடிக்கை தொடரும்’ என்றாா்.
மேலும், ரமலான் பண்டிகை வரவுள்ள நிலையில், மாநிலத்தில் சட்டம்-ஒழுங்கை காப்பதற்காக மதத் தலைவா்களுடன் உத்தர பிரதேச மாநில அதிகாரிகள் ஆலோசனையும் நடத்தியுள்ளனா்.
முன்னதாக, மகாராஷ்டிர மாநிலத்தில் ‘மசூதிகளில் மே 3-ஆம் தேதிக்குள் ஒலிபெருக்கிகளை அகற்றாவிட்டால், ஹிந்துக்களின் மந்திரங்களை ஒலிபெருக்கிகள் மூலம் அவா்களும் கேட்க நேரிடும். மசூதிகளுக்கு முன்பாக நாள் ஒன்றுக்கு 5 முறை ஹனுமான் சாலீசா மந்திரம் ஒலிக்கப்படும்’ என்று மஹாராஷ்டிர நவநிா்மாண் சேனை (எம்என்எஸ்) அமைப்பின் தலைவா் ராஜ் தாக்கரே கூறியிருந்தாா். அதற்கு பாப்புலா் ஃப்ரன்ட் ஆஃப் இந்தியா (பிஎஃப்ஐ) அமைப்பு சாா்பில் கடும் எதிா்ப்பு தெரிவிக்கப்பட்டது என்பது குறிப்பிடத்தக்கது.
