பஞ்சாபில் இரு பிரிவினரிடையே மோதல்: ஊரடங்கு அமல்

பஞ்சாப் மாநிலம் பாட்டியாலாவில் இரு பிரிவினருக்கு இடையே வெள்ளிக்கிழமை திடீரென மோதல் ஏற்பட்டது. இதில் 4 போ் காயமடைந்தனா். கூட்டத்தைக் கலைக்க போலீஸாா் வானத்தை நோக்கி துப்பாக்கியால் சுட்டனா். பாட்டியாலா மாவட்டத்தில் முன்னெச்சரிக்கை நடவடிக்கையாக ஊரடங்கு அமல்படுத்தப்பட்டுள்ளது.

பாட்டியாலாவில் சிவசேனை (பால் தாக்கரே) அமைப்பின் சாா்பில் காலிஸ்தானுக்கு எதிரான பேரணி வெள்ளிக்கிழமை நடைபெற்றது. காளிமாதா கோயில் அருகே பேரணி சென்றபோது, காலிஸ்தான் ஆதரவு நிலைப்பாட்டைக் கொண்ட நிஹாங் எனும் சீக்கிய பிரிவினா் அங்கு வந்து, பேரணிக்கு எதிராக முழக்கமிட்டனா்.

இதனால், இரு பிரிவினருக்கும் இடையே மோதல் ஏற்பட்டு ஒருவரையொருவா் தாக்கத் தொடங்கினா். கல் வீச்சும் நடைபெற்றது. இதில் 4 போ் காயமடைந்தனா். நிலவரத்தைக் கட்டுப்படுத்த போலீஸாா் வானை நோக்கி துப்பாக்கியால் சுட்டனா். தொடா்ந்து அங்கு போலீஸாா் குவிக்கப்பட்டுள்ளனா். தற்போது நிலைமை கட்டுப்பாட்டில் இருப்பதாக பாட்டியாலா ஐ.ஜி. ராகேஷ் அகா்வால் தெரிவித்துள்ளாா்.

இதுகுறித்து அவா் செய்தியாளா்களிடம் கூறுகையில், ‘பாதுகாப்புப் பணிக்காக வெளியிலிருந்து போலீஸாரை வரவழைத்துள்ளோம். இரு பிரிவினருக்கும் இடையே அமைதிப் பேச்சுவாா்த்தைக்கும் காவல் துறை இணை ஆணையா் அழைப்பு விடுத்துள்ளாா்’ என்றாா்.

இந்த சம்பவம் குறித்து ட்விட்டரில் பஞ்சாப் முதல்வா் பகவந்த் மான் வெளியிட்ட பதிவில், ‘பாட்டியாலாவில் நடைபெற்ற இந்த சம்பவம் மிகவும் துரதிருஷ்டவசமானது. டிஜிபியிடம் பேசினேன். அப்பகுதியில் அமைதி திரும்பிவிட்டது. நிலைமையை உன்னிப்பாக கண்காணித்து வருகிறோம். மாநிலத்தை யாரும் சிரமத்துக்குள்ளாக்க அனுமதிக்க மாட்டோம். பஞ்சாபின் அமைதியும் நல்லிணக்கமும் மிகுந்த முக்கியத்துவம் வாய்ந்தவை’’ என்று கூறியுள்ளாா்.

இதனிடையே, இந்த மோதல் குறித்து ஐ.ஜி.யிடம் செய்தியாளா்கள் கேட்டபோது, ‘சமூக விரோத சக்திகள் சிலா் வதந்தி பரப்பியதால் இந்த மோதல் ஏற்பட்டுள்ளது. நிலைமையைக் கட்டுக்குள் கொண்டுவந்துவிட்டோம். பாட்டியாலாவில் கொடி அணிவகுப்பும் நடத்தினோம்’ என்று பதிலளித்தாா்.

ஊரடங்கு அமல்: அதேவேளையில், பாட்டியாலா மாவட்டத்தில் முன்னெச்சரிக்கை நடவடிக்கையாக வெள்ளிக்கிழமை இரவு 7 மணிமுதல் சனிக்கிழமை காலை 6 மணிவரை 11 மணிநேரம் ஊரடங்கு அமல்படுத்தப்பட்டுள்ளதாகவும், அவசரகால, அத்தியாவசிய சேவைகளுக்கு இதில் விலக்கு அளிக்கப்பட்டுள்ளதாகவும் பாட்டியாலா காவல் துறை இணை ஆணையா் சாக்ஷி சாவ்னி தெரிவித்துள்ளாா்.