மதச்சாா்பின்மை என்பது சிலரின் அரசியல் கருவியாக உள்ளது என்று மத்திய சிறுபான்மையினா் நலத்துறை அமைச்சா் முக்தாா் அப்பாஸ் நக்வி குற்றஞ்சாட்டியுள்ளாா்.
ஹரியாணா மாநிலம் நூ மாவட்டத்தில் பாஜகவின் சமூக நீதி முகாம் சாா்பில் சனிக்கிழமை பல்வேறு நிகழ்ச்சிகள் நடைபெற்றன. இதில் அமைச்சா் முக்தாா் அப்பாஸ் நக்வி பேசுகையில், ‘‘உரிமை, நீதி, ஒருமைப்பாட்டுக்கான மத்திய அரசு, தனிச் சலுகைப் பெற்றவா்களுக்கான அரசியலை மக்களுக்கு முக்கியத்துவம் அளிக்கும் அரசியலாக மாற்றியுள்ளது.
அனைவருக்கும் உரிமையளிப்பதற்கான பயணத்தின் வெற்றிக்கு சமூக நல்லிணக்கம் நுழைவுவாயிலாக திகழ்கிறது.
வாக்குகளைக் கவர சிலருக்கு மதச்சாா்பின்மை வஞ்சகமான அரசியல் கருவியாக உள்ளது. மதச்சாா்பின்மை என்பது நல்லிணக்கம் மற்றும் ஒன்றாக வாழ்வதற்கான அா்ப்பணிப்பே தவிர, அரசியல் ஆதாயத்துக்கான பாதையல்ல.
இந்தியாவின் வேற்றுமையில் ஒற்றுமை, ‘ஒரே பாரதம், உன்னத பாரதம்’ ஆகிய பலத்தை தங்கள் சதி மூலம் சிலா் பலவீனப்படுத்த விரும்புகின்றனா். அச்சத்தையும் பொய்களையும் பரப்பி சமூக மற்றும் மத நல்லிணக்க அமைப்பை சீா்குலைக்க அவா்கள் சதி செய்கின்றனா். அந்த சக்திகள் எந்தச் சூழ்நிலையிலும் வெற்றி பெறுவதை அனுமதிக்கக் கூடாது. அந்த சக்திகளை வீழ்த்த அனைவரும் ஒற்றுமையுடன் செயல்பட வேண்டும்’’ என்றாா் அவா்.