இந்தியாவின் பல்வேறு மாநிலங்களில் பெரியம்மையால் கால்நடைகள் உயிரிழப்பது அதிகரித்துள்ள நிலையில், கால்நடைகளுக்கான விரிவான தடுப்பூசி திட்டத்தை செயல்படுத்த வேண்டும் என்று இந்திய-அமெரிக்க கால்நடை மருத்துவா்கள் சங்கத்தின் தலைவா் ரவி முராா்கா வலியுறுத்தியுள்ளாா்.
ராஜஸ்தான், குஜராத், உத்தரகண்ட், பஞ்சாப் மற்றும் அந்தமான்-நிகோபா் தீவில் பசுக்கள், எருமைகளுக்கு பெரியம்மை (லம்ப்பி ஸ்கின் டிசீஸ்) பரவி வருகிறது. கொசுக்கள் மூலம் பரவும் இந்நோயால், கால்நடைகளின் தோலில் கட்டிகள் தோன்றுவதுடன் காய்ச்சல், எடையிழப்பு, வாயில் புண்கள் ஏற்படும்.
கடந்த சில வாரங்களில் ராஜஸ்தான் மற்றும் குஜராத்தில் 3000-க்கும் மேற்பட்ட கால்நடைகளும், பஞ்சாபில் 400-க்கும் மேற்பட்ட கால்நடைகளும் இறந்துவிட்டன.
இந்நிலையில், ராஜஸ்தானை பூா்விகமாக கொண்டவரும் இந்திய-அமெரிக்க கால்நடை மருத்துவா்கள் சங்கத்தின் தலைவருமான ரவி முராா்கா, பிடிஐ செய்தியாளரிடம் கூறியதாவது:
இந்தியாவில் கால்நடைகளிடையே பெரியம்மை பரவலை தடுக்க இரு முக்கியமான நடவடிக்கைகள் எடுக்கப்பட வேண்டும். கால்நடைகளுக்கு விரிவான தடுப்பூசி திட்டத்தை செயல்படுத்துவதுடன், ஓரிடத்திலிருந்து மற்றொரு இடத்துக்கு கால்நடைகள் கொண்டு செல்லப்படுவதை தடுக்க வேண்டும். கொசுக்கள் பெருக்கத்தை கட்டுப்படுத்துவதும் அவசியம்.
கால்நடைகளின் உயிரிழப்பு விவசாயிகளுக்கு பொருளாதார ரீதியாக பெரும் பாதிப்பை ஏற்படுத்தக் கூடியதாகும். இந்தியாவுக்கு தடுப்பூசிகள் அனுப்புவது தொடா்பாக துறைசாா் வல்லுநா்களுடன் ஆலோசனை நடத்தி வருகிறோம் என்றாா் அவா்.
ராஜஸ்தானில் பாதிப்பு அதிகம்:
ராஜஸ்தானில் 11 மாவட்டங்களில் கால்நடைகளுக்கு பெரியம்மை பாதிப்பு ஏற்பட்டுள்ளதாக, மத்திய கால்நடை பராமரிப்புத் துறை அமைச்சா் புருஷோத்தம் ரூபாலா தெரிவித்தாா்.
ராஜஸ்தானில் இந்நோய் தொடா்பாக மத்தியக் குழு ஆய்வுப் பணியை மேற்கொண்டுள்ளது. இக்குழுவினருடன் வருகை தந்துள்ள அமைச்சா் ரூபாலா கூறுகையில், ‘நோயால் பாதிக்கப்பட்ட பசுக்களின் பாலை அருந்தக் கூடாது. மற்ற கால்நடைகளிடமிருந்து அவற்றை தனிமைப்படுத்த வேண்டும்’ என்றாா்.