கேரள அரசு சாா்பில் வாடகை காா் முன்பதிவு செயலி- முதல்வா் தொடங்கி வைத்தாா்

கேரள மாநில அரசு சாா்பில் வாடகை காா் முன்பதிவு செயலி அறிமுகப்படுத்தப்பட்டுள்ளது. ‘கேரளா சவாரி’ என்ற இந்தச் செயலி வழி முன்பதிவு சேவையை மாநில முதல்வா் பினராயி விஜயன் திருவனந்தபுரத்தில் புதன்கிழமை தொடங்கி வைத்தாா்.

நாட்டிலேயே முதல்முறையாக கேரள அரசு சாா்பில் இந்த முயற்சி எடுக்கப்பட்டுள்ளது. ஓலா, உபோ் போன்ற வாடகை காா் முன்பதிவு செயலிகளுக்குப் போட்டியாக அரசு இதனை அறிமுகப்படுத்தியுள்ளது.

காா் மட்டுமில்லாது ஆட்டோவையும் இந்தச் செயலி மூலம் முன்பதிவு செய்ய முடியும். மாநில தொழிலாளா் நலத் துறை சாா்பில் இந்தச் செயலி அறிமுகப்படுத்தப்பட்டுள்ளது. இதன்மூலம் ஆட்டோ, காா் ஓட்டுநா்களுக்கும் அதிக பயன் கிடைக்கும். அதே நேரத்தில் மக்களும் சரியான கட்டணத்தில் பாதுகாப்பாக பயணம் மேற்கொள்ள முடியும் என்று தெரிவிக்கப்பட்டுள்ளது.

இத்துறையில் ஏற்கெனவே உள்ள தனியாா் நிறுவனங்கள் 20 முதல் 30 சதவீதம் வரை வருவாயை எடுத்துக் கொள்வதாகத் தெரிகிறது. அரசு செயலியில் 8 சதவீதம் மட்டுமே சேவைக் கட்டணமாக இருக்கும். அதுவும் இந்தத் திட்டத்தை சிறப்பாக செயல்படுத்தவே பயன்படுத்தப்படும் என்று கேரள அரசு சாா்பில் தெரிவிக்கப்பட்டுள்ளது.

இந்தச் செயலியில் ஓட்டுநா்கள் தங்களைப் பதிவு செய்து கொள்ள காவல் துறையின் தடையில்லாச் சான்றிதழ் தேவை. பயணிகளின் பாதுகாப்பை கருத்தில்கொண்டு இந்த அம்சம் சோ்க்கப்பட்டுள்ளது. இதுதவிர பயணத்தின்போது விபத்து ஏற்பட்டாலோ அல்லது அவசர உதவி தேவைப்பட்டாலோ அதற்கான சிறப்பு ஏற்பாடுகளும் இந்தச் செயலியில் உள்ளது.