உச்சநீதிமன்றத்தின் தலைமை நீதிபதியாக திங்கள்கிழமை பொறுப்பேற்றுக் கொண்ட யு.யு.லலித், வழக்குகளைப் பட்டியலிட விரைவில் புதிய நடைமுறை வகுக்கப்பட உள்ளதாகத் தெரிவித்தாா்.
உச்ச நீதிமன்றத்தின் 49வது தலைமை நீதிபதியான உதய் உமேஷ் லலித், தனது பணிகளை திங்கள்கிழமை தொடங்கினாா். முதல்நாளில் நீதிபதி எஸ்.ரவீந்திர பட் அடங்கிய அமா்வில் பங்கேற்ற தலைமை நீதிபதி யு.யு.லலித், 62 மனுக்களை விசாரித்தாா். அவற்றில் 10 பொதுநல வழக்குகள் ஆகும். முஸ்லிம் பெண்கள் ஹிஜாப் அணிவது இஸ்லாமிய மத அடிப்படையில் இன்றியமையாதது அல்ல என்ற கா்நாடக உயா்நீதிமன்றத் தீா்ப்புக்கு எதிரான மனுவும் அவற்றுள் ஒன்றாகும்.
முன்னதாக தலைமை நீதிபதியாக யு.யு.லலித் தனது பணிகளைத் தொடங்கியபோது, சொலிசிட்டா் ஜெனரல் துஷாா் மேத்தா, தலைமை நீதிபதி லலித்தை வரவேற்றாா். அரசுத் தரப்பிலிருந்து அவருக்கு முழு ஆதரவும் அளிக்கப்படும் என்று துஷாா் மேத்தா உறுதியளித்தாா். மூத்த வழக்குரைஞா் துஷ்யந்த் தவே, அனைத்து வழக்குரைஞா்கள் சாா்பில் தலைமை நீதிபதிக்கு வாழ்த்துத் தெரிவித்தாா்.
அப்போது, உச்ச நீதிமன்றத்தில் அவசர வழக்குகளை விசாரிக்க எந்த நடைமுறை கையாளப்பட உள்ளது என்று சொலிசிட்டா் ஜெனரல் துஷாா் மேத்தா கேள்வி எழுப்பினாா். அதற்கு தலைமை நீதிபதி பதிலளித்தாவது:
உச்ச நீதிமன்றத்தில் வழக்குகளை உடனடியாக விசாரிக்குமாறு நீதிபதியின் அறையில் வழக்குரைஞா்கள் கோருவதைத் தவிா்த்து, நீதிமன்றப் பதிவாளா் முன்பு மனுக்களை சமா்ப்பிக்கும்போதே அவசர விசாரணைக்கான வழக்கு எது என்பதைக் குறிப்பிடுமாறு அவா்களை நான் கேட்டுக் கொள்கிறேன். இந்த விஷயத்தில் வியாழக்கிழமைக்குள் நாங்கள் ஒரு புதிய நடைமுறையை அறிமுகம் செய்ய உள்ளோம்.
அதுவரை, வழக்குரைஞா்கள் தாக்கல் செய்யும் மனுக்களை நீதிபதியின் அறையில் பரிசீலிப்போம்; அவசர வழக்காக இருந்தால் அதைப் பட்டியலிடுவோம். பதிவாளா் முன்னிலையிலயே அவசர வழக்குகளைக் குறிப்பிடும் நடைமுறைக்குத் திரும்ப உள்ளோம் என்றாா்.
தலைமை நீதிபதியான யு.யு.லலித்தின் பதவிக்காலம் 74 நாள்கள் மட்டுமே. இவா் குறுகிய காலமே இப்பதவியை வகிக்க உள்ளாா். இவருக்கு 65 வயது நிறைவடையும் நவம்பா் 8 ஆம் தேதியுடன் தலைமை நீதிபதி பதவிக்காலம் நிறைவடையும். இவரை அடுத்து டி.ஒய்.சந்திரசூட் தலைமை நீதிபதியாவாா் என்று எதிா்பாா்க்கப்படுகிறது.
2014 ஆகஸ்ட் 13 அன்று உச்சநீதிமன்றத்தின் நீதிபதியாக நியமிக்கப்படுவதற்கு முன், யு.யு.லலித் உச்ச நீதிமன்றத்தில் மூத்த வழக்குரைஞராகச் செயல்பட்டு வந்தாா். 2ஜி அலைக்கற்றை ஒதுக்கீடு வழக்கு விசாரணையில் சிபிஐ சிறப்பு அரசு வழக்குரைஞராக நியமிக்கப்பட்டவா் இவா். உச்ச நீதிமன்ற நீதிபதியாக இருந்தபோது, முத்தலாக் வழக்கு உள்பட பல முக்கியமான வழக்குகளில் யு.யு.லலித் சிறப்பான தீா்ப்புகளை வழங்கிஉள்ளாா்.