லடாக்: லடாக்கில் 2023 ஏப்ரல் மாதம் ஜி20 தொடர்பான கூட்டம் நடைபெறும் என்று அறிவிக்கப்பட்டுள்ளது.
ஜி20 தலைமை பொறுப்பை கடந்த 1 ஆம் தேதி இந்தியா ஏற்றது. தொடர்ந்து ஓராண்டுக்கு இந்த தலைமை பதவியை இந்தியா வகிக்கும். இதனைத் தொடர்ந்து 2023 ஆம் ஆண்டு முதல் ஜி20 தலைவர்களின் உச்சி மாநாட்டை இந்தியா நடத்த உள்ளது. நாடு முழுவதும் 50க்கும் மேற்பட்ட நகரங்களில் 32 வெவ்வேறு துறைகளுடன் இணைந்து 200க்கும் மேற்பட்ட கூட்டங்களை நடத்த உள்ளது.
இதன் ஒரு பகுதியாக லடாக்கில் 2023 ஏப்ரல் மாதம் ஜி20 தொடர்பான கூட்டம் நடைபெறும் என்று அறிவிக்கப்பட்டுள்ளது. இந்த கூட்டத்திற்கான ஏற்பாடுகளை லடாக் அரசு தொடங்கி உள்ளது.
திட்டமிடப்பட்ட ஜி20 கூட்டத்தில், லடாக்கின் தனித்துவமான கலாசார மற்றும் இயற்கை பாரம்பரியத்தை வெளிப்படுத்தும் நிகழ்ச்சிகள் இடம்பெறும். இது புதிய யூனியன் பிரதேசம் லடாக்கின் பிராண்டிங்கிற்கான ஒரு சிறந்த வாய்ப்பாகும்.
ஜி20 தொடர்பான கூட்டத்திற்கான முதல் கூட்டத்தில், லடாக் ஆலோசகர் உமாங் நருலா, இளைஞர்கள், ஸ்டார்ட்-அப்கள் மற்றும் தொழில்முனைவோரின் ஈடுபாட்டுடன் தனித்துவமான மற்றும் மாறுபட்ட கலாசாரம், உணவு வகைகள், கலை, நடன வடிவங்களை ஊக்குவிக்க லடாக்கை மையமாகக் கொண்ட கதைகளை கவனமாக திட்டமிடுமாறு பரிந்துரைத்தார்.
இந்தியாவின் ஜி20 பிரசிடென்சியின் கீழ் பல்வேறு 'ஜன் பகிதாரி' முயற்சிகள் மூலம் 'மக்கள் ஜி20' தொடர்பான மாநாடுகளின் முக்கிய கூறுகளை அவர் எடுத்துக் கூறினார்.
இதையும் படிக்க | பழனி கோயிலில் நாளை ரோப் கார் சேவை இயங்காது!
லடாக் பிரதேச ஆணையரும், லடாக்கில் உள்ள ஜி20 நோடல் அதிகாரியுமான சவுகத் பிஸ்வாஸ், பாதுகாப்பு மற்றும் தளவாடங்கள் உள்பட அடுத்த ஆண்டு ஏப்ரல் 25 முதல் 28 வரையிலான தேதிகளில் ஜி20 தொடர்பான கூட்டத்திற்கான செயல் திட்டத்தை வழங்கினார்.
தொடக்கத்தில், பள்ளிகள் மற்றும் கல்லூரிகளில் இந்தியாவின் மந்திரமான ‘ஒரு பூமி, ஒரு குடும்பம், ஒரே எதிர்காலம்’ ஆகியவற்றை பள்ளிகள் ஏற்பாடு செய்யும்.
யூனியன் பிரதேசத்தில் சுற்றுச்சூழலுக்கு உகந்த வாழ்க்கை, மற்றும் நிகழ்வின் போது இ-வாகனங்களைப் பயன்படுத்துவதற்கான முன்முயற்சிகளை ஊக்குவிக்கவும் கூட்டத்தில் முடிவு செய்யப்பட்டது. இதேபோல், உள்ளூர் தயாரிப்புகள் மற்றும் புதுமையான தயாரிப்புகள் பார்வையாளர்களுக்கு நினைவுப் பொருள்களாக வழங்கப்பட வேண்டும்.
லடாக்கின் முதன்மைச் செயலாளர்கள், டாக்டர் பவன் கோட்வால், சஞ்சீவ் கிர்வார், லடாக் ஏடிஜிபி எஸ்எஸ் கந்தாரே மற்றும் பிற மூத்த அதிகாரிகளும் கூட்டத்தில் கலந்து கொண்டனர்.