Enable Javscript for better performance
ஜெய்பீம் - ஜெய் ஸ்ரீராம்: கர்நாடக மாணவர்களிடையே வலுக்கும் மோதல்- Dinamani

உடனுக்கு உடன் செய்திகள்

    முகப்பு இந்தியா

    ஜெய்பீம் - ஜெய் ஸ்ரீராம்: கர்நாடக மாணவர்களிடையே வலுக்கும் மோதல்

    By DIN  |   Published On : 07th February 2022 10:12 PM  |   Last Updated : 07th February 2022 10:12 PM  |  அ+அ அ-  |  

    Jaibeem Jai Shriram Intensifying conflict between Karnataka students

    கோஷத்தில் ஈடுபட்ட இருதரப்பு மாணவர்கள்

     

    கர்நாடக மாநிலத்தில் ஜெய்பீம் என்று ஒருதரப்பு மாணவர்களும், ஜெய் ஸ்ரீராம் என்று மற்றொரு தரப்பு மாணவர்களும் கோஷமிட்டுக்கொண்ட விடியோ இணையத்தில் வைரலாகி வருகிறது.

    உடுப்பி மாவட்டத்தில் ஹிஜாப் அணிந்துவரத் தடை விதித்த விவகாரத்தைக் கண்டித்து மாணவர்கள் இந்த கோஷங்களை எழுப்பி வாக்குவாதத்தில் ஈடுபட்டுள்ளனர். இதனால் அப்பகுதியில் சற்று நேரம் பரபரப்பு நிலவியது.

    படிக்க'சுமுக முடிவு ஏற்பட்டால் மட்டுமே மேக்கேதாட்டு அணைக்கு அனுமதி'

    கர்நாடகாவில் உள்ள சிக்மகளூரில் இயங்கி வரும் ஐடிஎஸ்ஜி கல்லூரியில் ஹிஜாப் அணிந்து வருவதற்கு ஆதரவு தெரிவித்து ஒரு தரப்பு மாணவர்களும், எதிர்ப்பு தெரிவித்து மற்றொரு தரப்பு மாணவர்களும் கோஷமிட்டனர். 

    ஆதரவு தெரிவித்த மாணவர்கள் 'ஜெய் பீம்' என்றும், எதிர்க்கும் மாணவர்கள் 'ஜெய் ஸ்ரீராம்' எனவும் கோஷங்களை எழுப்பினர். ஒருகட்டத்திற்கு மேல் மோதலில் ஈடுபட்ட மாணவர்களை ஆசிரியர்கள் தலையிட்டு கலைத்தனர். இந்த விடியோ இணையத்தில் வைரலாகி வருகிறது.

    ஹிஜாப் விவகாரம்:

    கர்நாடகத்தில் பல்வேறு கல்லூரிகளில் முஸ்லிம் மாணவிகள் ஹிஜாப் அணிந்து வருவதற்கு தடை விதிக்கப்பட்டு வருகிறது. முஸ்லிம் மாணவிகள், ஹிஜாப் அணிந்து வருவதற்கு இந்து மாணவர்கள் எதிர்ப்பு தெரிவித்து வருவதால் முஸ்லிம் மாணவிகள் கல்லூரிக்குள் அனுமதிக்கப்படவில்லை. இதனால் முஸ்லிம் மாணவிகள் போராட்டத்தில் குதித்துள்ளனர். 

    படிக்க | ஜேஎன்யு முதல் பெண் துணைவேந்தராக முன்னாள் மாணவர் சாந்திஸ்ரீ பண்டிட் நியமனம்!

    உடுப்பி மாவட்டம் குந்தாப்பூர் அரசு பி.யூ. கல்லூரியிலும் ஹிஜாப் அணிந்து வந்த மாணவிகள் அனுமதிக்கப்படவில்லை. குந்தாப்பூர் அரசுக் கல்லூரி மாணவிகள் இதுதொடர்பாக கர்நாடக உயர்நீதிமன்றத்தில் வழக்கும் தொடர்ந்துள்ளனர். 

    ஹிஜாப் அணிந்து தங்களை கல்லூரிக்குள் அனுமதிக்க வேண்டும் என்று கோரி முஸ்லிம் மாணவிகள் தொடர் போராட்டம் நடத்தி வருகின்றனர். 

    இந்நிலையில் இன்று பேச்சுவார்த்தைக்குப் பிறகு குந்தாப்பூர் அரசு பி.யூ. கல்லூரியில் ஹிஜாப் அணிந்து வரும் முஸ்லிம் மாணவிகள் உள்ளே அனுமதிக்கப்பட்டனர். ஆனால், அவர்கள் கல்லூரியில் தனியறையில் அமரவைக்கப்பட்டுள்ளதாகவும் அவர்களுக்கு வகுப்புகள் எதுவும் நடத்தப்படவில்லை என்றும் தகவல்கள் தெரிவிக்கின்றன. 


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp