கேரளம்: ஊழியருக்கு பென்ஸ் காரை பரிசாக வழங்கிய தொழிலதிபர்

கேரளத்தில் ஏ.கே ஷாஜி என்கிற தொழிலதிபர்  தன் நிறுவனத்தில் 22 ஆண்டுகள் பணியாற்றிய ஊழியருக்கு பென்ஸ் காரை பரிசாக வழங்கியிருக்கிறார்.
கேரளம்: ஊழியருக்கு பென்ஸ் காரை பரிசாக வழங்கிய தொழிலதிபர்

கேரளத்தில் ஏ.கே ஷாஜி என்கிற தொழிலதிபர்  தன் நிறுவனத்தில் 22 ஆண்டுகள் பணியாற்றிய ஊழியருக்கு பென்ஸ் காரை பரிசாக வழங்கியிருக்கிறார்.

கேரள மாநிலம் கோழிக்கோட்டைச் சேர்ந்த தொழிலதிபர் ஏகே ஷாஜி, இவருடைய மார்கெட்டிங் நிறுவனமான ‘மைஜி’-யில் கடந்த 22 ஆண்டுகளாக பணிபுரிந்து  வரும் சி.ஆர் அனிஷ் என்பவருக்கு ஷாஜி மெர்சிடஸ் பென்ஸ் எஸ்யுவி காரை பரிசாக வழங்கியிருக்கிறார். 

பரிசு வழங்கிய விடியோவை இன்ஸ்டாகிராம் பக்கத்தில் பகிர்ந்த ஷாஜி ‘ அன்புள்ள அனில், கடந்த 22 ஆண்டுகளாக என் பலமான தூணாக இருக்கிறாய். உன்னுடைய புதிய துணையை விரும்புவாய் என நினைக்கிறேன்’ எனத் தெரிவித்துள்ளார்.

முன்னதாக கடந்த ஆண்டு ஷாஜி தன் ஊழியர்கள் 6 பேருக்கு கார்களைப் பரிசாக வழங்கியிருந்தார்.

2018-ஆம் ஆண்டு குஜராத்தைச் சேர்ந்த வைர வியாபாரி தன் ஊழியர்கள் 600 பேருக்கு தீபாவளிப் பரிசாக கார்களை வழங்கியது குறிப்பிடத்தக்கது.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com