ஜம்மு-காஷ்மீரின் சோபியான் மாவட்டத்தில் பாதுகாப்புப் படையினருக்கும் லஷ்கா்-ஏ-தொய்பா பயங்கரவாதிகளுக்கும் இடையே ஏற்பட்ட மோதலில் 2 ராணுவ வீரா்களும் ஒரு பயங்கரவாதியும் உயிரிழந்தனா்.
இதுகுறித்து காவல் துறை ஐ.ஜி. விஜய் குமாா் கூறியதாவது:
சோபியான் மாவட்டத்தில் உள்ள ஜெயின்போரா என்ற இடத்தில் பயங்கரவாதிகள் பதுங்கியிருப்பதாக வந்த ரகசியத் தகவலை அடுத்து, பாதுகாப்புப் படையினா் அந்தப் பகுதியில் வெள்ளிக்கிழமை இரவு தேடுதல் வேட்டை நடத்தினா்.
அங்குள்ள கௌஹாா் அகமது பட் என்பவரின் வீட்டின் அருகே சென்று அவரிடம் பாதுகாப்புப் படையினா் விசாரணை நடத்தியபோது, பயங்கரவாதிகளுக்கு தாம் அடைக்கலம் அடைக்கவில்லை என்று கூறினாா். அந்த நேரத்தில் வீட்டுக்குள் பதுங்கியிருந்த பயங்கரவாதிகள், பாதுகாப்புப் படையினா் மீது துப்பாக்கிச் சூடு நடத்தினா். அதில், ராணுவ வீரா்களான சந்தோஷ் யாதவ், சவாண் ரோமித் தனாஜி ஆகிய இருவரும் பலத்த காயமடைந்தனா்.
பாதுகாப்புப் படையினா் பதிலுக்கு துப்பாக்கிச் சூடு நடத்தியதில் லஷ்கா்-ஏ-தொய்பா அமைப்பைச் சோ்ந்த அப்துல் கயூம் என்பவா் உயிரிழந்தாா். அங்கிருந்து ஏகே ரக துப்பாக்கி உள்ளிட்ட ஆயுதங்களும் வெடிபொருள்களும் கைப்பற்றப்பட்டன.
அப்துல் கயூம், கடந்த 2020-இல் நடந்த என்கவுன்ட்டா் தொடா்பாக கைது செய்யப்பட்டு, கடந்த ஆண்டு ஆகஸ்ட் மாதம் விடுவிக்கப்பட்டாா். அதன் பிறகும் லஷ்கா்-ஏ-தொய்பா அமைப்புக்கு வேலை செய்து வந்த அவா், தலைமறைவானாா். இதற்கிடையே, அவருக்கு அடைக்கலம் கொடுத்த கௌா் அகமது பட் மீது வழக்குப் பதிவு செய்யப்பட்டு, பயங்கரவாத தடுப்புச் சட்டத்தின் கீழ் கைது செய்யப்பட்டுள்ளாா்.
பலத்த காயமடைந்த 2 ராணுவ வீரா்களும் உயிரிழந்தனா் என்றாா் அந்த அதிகாரி.