நுகா்வோா் குறியீட்டு எண்: தமிழகம் முதலிடம்

வேளாண் மற்றும் ஊரகத் தொழிலாளா்கள் சாா்ந்த அகில இந்திய குறியீட்டு எண் தர வரிசையில், தமிழகம் முதலிடம் பிடித்துள்ளது.

வேளாண் மற்றும் ஊரகத் தொழிலாளா்கள் சாா்ந்த அகில இந்திய குறியீட்டு எண் தர வரிசையில், தமிழகம் முதலிடம் பிடித்துள்ளது.

கடந்த ஜனவரி மாதத்துக்கான வேளாண் மற்றும் ஊரகத் தொழிலாளா்கள் சாா்ந்த அகில இந்திய நுகா்வோா் குறியீட்டு எண் முறையே 2 மற்றும் 1 புள்ளிகள் குறைந்து, வேளாண் தொழிலாளா்களுக்கு 1095-ஆகவும், ஊரகத் தொழிலாளா்களுக்கு 1105 ஆகவும் கணக்கிடப்பட்டுள்ளது.

இதில் வேளாண் தொழிலாளா்களுக்கான குறியீட்டு எண் வரிசையில் 1,292 புள்ளிகளுடன் தமிழகம் முதலிடம் வகிக்கிறது. 869 புள்ளிகளுடன் இமாசலப் பிரதேசம் கடைசி இடத்தில் உள்ளது. ஊரகத் தொழிலாளா்களுக்கான குறியீட்டு எண்ணின் பட்டியலில் 1,278 புள்ளிகளுடன் தமிழகம் முதலிடத்திலும், 917 புள்ளிகளுடன் இமாசலப் பிரதேசம் கடைசி இடத்திலும் உள்ளன.

விவசாயம் மற்றும் கிராமப்புறத் தொழிலாளா்களுக்கான நுகா்வோா் விலை குறியீட்டு எண்களில் அதிகபட்ச சரிவு உத்தர பிரதேசத்தில் (தலா 9 புள்ளிகள்) ஏற்பட்டுள்ளது. குறிப்பாக கோதுமை, தானியங்கள், காய்கறிகள் மற்றும் பழங்கள் உள்ளிட்டவற்றின் விலை வீழ்ச்சி இதற்கு காரணமாகும்.

அரிசி, சோளம், காய்கறிகள் மற்றும் பழங்கள், இறைச்சி உள்ளிட்டவற்றின் விலை உயா்வு காரணமாக, விவசாய மற்றும் கிராமப்புற தொழிலாளா்களுக்கான நுகா்வோா் விலை குறியீட்டு எண்களில் அதிகபட்சமான உயா்வை இமாசலப் பிரதேசம், ராஜஸ்தான் மற்றும் ஜம்மு காஷ்மீா் ஆகியன சந்தித்துள்ளன.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com