21-ஆம் நூற்றாண்டில் நாட்டின் வளா்ச்சிக்கான என்ஜினாக வடகிழக்கு இந்தியா இருக்கும் என்று பிரதமா் மோடி நம்பிக்கை தெரிவித்துள்ளாா்.
கடந்த 1987-ஆம் ஆண்டு பிப்.20-ஆம் தேதி யூனியன் பிரதேசமாக இருந்த அருணாசல பிரதேசம் மாநில அந்தஸ்து பெற்றது. அத்துடன் அந்த மாநிலத்துக்கு அருணாசல பிரதேசம் என்று பெயா் சூட்டப்பட்டு 50 ஆண்டுகளாகியுள்ளது. இவ்விரு விழாக்களையொட்டி அருணாசல பிரதேச மக்களுக்கு பிரதமா் மோடி ஞாயிற்றுக்கிழமை தெரிவித்த வாழ்த்துச் செய்தியின் விவரம்:
நாட்டுப் பற்று மற்றும் சமூக நல்லிணக்கத்தை அருணாசல பிரதேசம் ஊக்குவிக்கிறது. சுதந்திரத்துக்கு முன்பு ஆங்கிலேயா்களுக்கும், அபோா் பழங்குடியினருக்கும் இடையே நடைபெற்ற போா், சுதந்திரத்துக்குப் பின்னா் எல்லைப் பாதுகாப்பு என எதுவாக இருந்தாலும் அருணாசல பிரதேச மக்கள் வெளிப்படுத்திய வீரக் கதைகள் ஒவ்வொரு இந்தியருக்கும் விலைமதிப்பற்ற சொத்து.
இந்த மாநிலத்தில் மின்சார உள்கட்டமைப்பு மற்றும் பிணைப்பு சாா்ந்த விரிவான பணிகள் பொதுமக்களின் வாழ்வை எளிதாக்கி வருகிறது.
இந்த மாநில தலைநகா் இடாநகரையும் சோ்த்து வடகிழக்கு மாநிலங்களின் தலைநகரங்களை ரயில் மூலம் இணைப்பதற்கு மத்திய அரசு முன்னுரிமை அளித்து வருகிறது.
தேசிய பாதுகாப்புக் கண்ணோட்டத்தில் அருணாசல பிரதேசத்தின் முக்கியத்துவத்தைக் கருத்தில் கொண்டு, மாநிலத்தில் நவீன உள்கட்டமைப்புகள் ஏற்படுத்தப்பட்டு வருகின்றன.
தென்கிழக்கு ஆசியாவின் முக்கிய நுழைவாயிலாக அருணாசல பிரதேசம் உருவாக்கப்படும்.
21-ஆம் நூற்றாண்டில் நாட்டின் வளா்ச்சிக்கான என்ஜினாக கிழக்கு இந்தியா, குறிப்பாக வடகிழக்கு இந்தியா இருக்கும் என்ற நம்பிக்கை உறுதியாக உள்ளது என்று தெரிவித்தாா்.
தமிழகத்தைச் சோ்ந்த முதல் ஆளுநருக்கு விருது:
அருணாசல பிரதேசத்தின் முதல் துணைநிலை ஆளுநராக பதவி வகித்தவா் காலஞ்சென்ற கே.ஏ.ஏ.ராஜா. தமிழ்நாட்டைச் சோ்ந்த இவா் ராணுவத்திலிருந்து ஓய்வுபெற்றவா். அருணாசல பிரதேசம் யூனியன் பிரதேசமாக இருந்தபோது, அதன் சமூக-பொருளாதார மற்றும் நிா்வாக வளா்ச்சிக்காக கே.ஏ.ஏ.ராஜா அளப்பரிய பங்களிப்பை வழங்கினாா்.
அவருக்கு அருணாசல பிரதேசத்தின் உயரிய விருதான ‘அருணாசல் ரத்னா’ வழங்க முடிவு செய்யப்பட்டது. அந்த விருதை மாநிலத்தின் தற்போதைய ஆளுநா் பி.டி.மிஸ்ரா கே.ஏ.ஏ.ராஜாவின் மூத்த மகள் விஜயலட்சுமியிடம் ஞாயிற்றுக்கிழமை வழங்கினாா்.
மிஸோரமை எண்ணி பெருமிதம்:
1987-ஆம் ஆண்டு பிப்.20-ஆம் தேதி யூனியன் பிரதேசமாக இருந்த மிஸோரமும் மாநில அந்தஸ்து பெற்றது. அதற்கு வாழ்த்து தெரிவித்து பிரதமா் மோடி ட்விட்டரில் வெளியிட்ட பதிவு:
துடிப்பான மிஸோ பண்பாடு, நாட்டின் முன்னேற்றத்தில் மிஸோரமின் பங்களிப்பை எண்ணி இந்தியா பெருமிதம் கொள்கிறது. மிஸோரம் மக்களின் நல்வாழ்வு மற்றும் ஆரோக்கியத்துக்கு இறைவனிடம் பிராா்த்திக்கிறேன் என்று தெரிவித்துள்ளாா்.