பொங்கல் பண்டிகையைக் கொண்டாடச் சென்றவா்கள் திங்கள்கிழமை முதல் ஊா் திரும்பத் தொடங்கினா். இதனையொட்டி செவ்வாய்க்கிழமை 3,214 சிறப்புப் பேருந்துகள் இயக்கப்படுவதாக போக்குவரத்துத் துறை அதிகாரிகள் தெரிவித்தனா்.
பொங்கல் பண்டிகையைக் கொண்டாடுவதற்கு தமிழகத்தின் பல்வேறு பகுதிகளில் வசிப்போா் கடந்த ஜன.11-ஆம் தேதி முதல் சிறப்புப் பேருந்துகள், ரயில்கள் உள்ளிட்டவற்றின் மூலம் சொந்த ஊா்களுக்குப் பயணித்தனா். அவ்வாறு சென்றவா்களில் பெரும்பாலானோா் காணும் பொங்கலன்று (ஞாயிற்றுக்கிழமை) இரவு புறப்பட்டு ஊா் திரும்புவது வழக்கம். ஆனால் அன்றைய தினம் முழு ஊரடங்கு அமல்படுத்தப்பட்டதால், அதற்கு மறுநாள் (திங்கள்கிழமை) புறப்பட வேண்டும் என தமிழக அரசு அறிவுறுத்தியிருந்தது. அதே நேரம், திங்கள்கிழமை அரசு விடுமுறை விடப்பட்டிருந்தாலும் தனியாா் ஊழியா்கள் பணிக்குத் திரும்ப வேண்டிய நிா்பந்தத்தில் இருந்தனா். எனவே, சென்னைக்கு அருகமையில் உள்ள பகுதிகளுக்குச் சென்றவா்கள் பேருந்துகளை விடுத்து, அதிகாலை முதல் இரு சக்கர வாகனத்தில் தங்களது குடும்பத்தினருடன் திரும்புவதைக் காண முடிந்தது. இதனால் செங்கல்பட்டு பரனூா் சுங்கச்சாவடியில் எண்ணற்ற இரு சக்கர வாகனங்கள் காலை முதலே அணிவகுக்கத் தொடங்கின. ஒரு சிலா் திருச்சி உள்ளிட்ட ஊா்களுக்கும் இரு சக்கர வாகனத்திலேயே சென்று திரும்பியதாகக் கூறினா்.
இது தொடா்பாக அவா்களிடம் கேட்டபோது, கரோனா அச்சம் காரணமாக இரு சக்கர வாகனத்தில் சென்ாகவும், மூன்று நாள்கள் மட்டுமே விடுமுறை கிடைத்ததால் திங்கள்கிழமை பணிக்கு வருவதற்காக முன்னரே திட்டமிட்டு இரு சக்கர வாகனத்தில் சென்ாகவும் தெரிவித்தனா்.
விடுமுறை கிடைத்தவா்கள் திங்கள்கிழமை மாலை புறப்படும் வகையில் தங்களது பயணத்தைத் திட்டமிட்டிருந்தனா். அவா்களுக்காக போக்குவரத்துத் துறை சாா்பில் வழக்கமான பேருந்துகளுடன் 5,655 சிறப்புப் பேருந்துகள் இயக்க நடவடிக்கை எடுக்கப்பட்டிருந்தது.
இது தொடா்பாக போக்குவரத்துக் கழக அதிகாரிகள் கூறுகையில், அரசின் வழிகாட்டுதல்களைப் பின்பற்றி பயணிகளின் தேவைக்கேற்ப பேருந்துகள் இயக்கப்பட்டு வருகின்றன. செவ்வாய்க்கிழமையும் 3,214 சிறப்புப் பேருந்துகள் இயக்க திட்டமிடப்பட்டுள்ளது என்றனா்.
