இந்திய முன்னாள் கிரிக்கெட் வீரரும் பாஜகவின் மக்களவை உறுப்பினருமான கௌதம் கம்பீருக்கு கரோனா தொற்று இருப்பது உறுதி செய்யப்பட்டுள்ளது.
நாடு முழுவதும் ஒமைக்ரான் தொற்று தீவிரமாக பரவி வருகிறது. கடந்த சில தினங்களாக பாதிப்பு சற்று குறைந்து வருகிறது. இதில் பிரபலங்கள் பலரும் கரோனா தொற்றுக்கு ஆளாகி வருகின்றனர்.
இந்திய முன்னாள் கிரிக்கெட் வீரரும் கிழக்கு தில்லி தொகுதி பாஜக மக்களவை எம்.பி.யுமான கௌதம் கம்பீருக்கும் தொற்று உறுதி செய்யப்பட்டுள்ளது.
இதுகுறித்து அவர் தனது ட்விட்டர் பக்கத்தில், 'லேசான அறிகுறிகள் இருந்ததை அடுத்து இன்று கரோனா பரிசோதனை செய்துகொண்டதில் தொற்று உறுதியாகியுள்ளது. என்னுடன் தொடர்பில் இருந்தவர்கள் கரோனா பரிசோதனை செய்துகொள்ள கேட்டுக்கொள்கிறேன்' என்று குறிப்பிட்டுள்ளார்.