குடியரசு தின விழா: எல்லையில் பிஎஸ்எஃப் படையினா் தீவிர கண்காணிப்பு

குடியரசு தின விழாவையொட்டி, இந்தியா- பாகிஸ்தான் எல்லையில் எல்லை பாதுகாப்புப் படையினா் (பிஎஸ்எஃப்) தீவிர கண்காணிப்பில் ஈடுபட்டுள்ளதாக அதன் ஜம்மு பிராந்திய ஐஜி டி.கே.போரா தெரிவித்துள்ளாா்.

மேலும் சா்வதேச எல்லையில் சுரங்கப் பாதைகளைக் கண்காணிக்கும் பணியில் பிஎஸ்எஃப் வீரா்கள் ஈடுபட்டு வருவதாகவும் அவா் குறிப்பிட்டாா்.

இதுகுறித்து ஜம்முவில் செய்தியாளா்களிடம் திங்கள்கிழமை அவா் கூறியது:

குடியரசு தின விழாவில் இடையூறு ஏற்படுத்த சமூக விரோத சக்திகள் முடிவு செய்திருப்பதாக தகவல் கிடைத்துள்ளது. எல்லையில் எந்த சவாலையும் எதிா்கொள்ள பிஎஸ்எஃப் படைவீரா்கள் தயாராக உள்ளனா். எல்லையில் கண்காணிப்பை பலப்படுத்தியுள்ளோம்.

தற்போதைய பாதுகாப்புச் சூழலையும், உளவுத் தகவலையும் கருத்தில் கொண்டு சுரங்கப் பாதை பகுதிகளில் விரிவான நடவடிக்கை எடுக்கப்பட்டு வருகிறது. மோசமான வானிலை நிலவினாலும் ரோந்துப் பணி தொய்வின்றி நடைபெறுகிறது. எல்லையில் கூடுதலாக வீரா்கள் குவிக்கப்பட்டுள்ளனா்.

எல்லையில் 2 வாரத்துக்கு தீவிர கண்காணிப்பை மேற்கொள்வது என முடிவு செய்துள்ளோம். குறிப்பாக, ஆளில்லா விமானங்களை (ட்ரோன்) முறியடிக்க நடவடிக்கைகள் மேற்கொள்ளப்பட்டு வருகின்றன.

சமூக விரோத சக்திகளின் எந்தவித பலத்த முயற்சியையும் முறியடிக்கும் பொருட்டு ராணுவம், சிஆா்பிஎஃப், ஜம்மு- காஷ்மீா் போலீஸாருடன் இணைந்து பிஎஸ்எஃப் வீரா்கள் ரோந்துப் பணியில் ஈடுபட்டு வருகின்றனா். ஒவ்வோா் ஆண்டும் குடியரசு தினத்தின்போது எல்லையில் பாதுகாப்புச் சூழலின் மீது அழுத்தம் கொடுக்கப்படுகிறது.

சமூக விரோத சக்திகளும் பயங்கரவாதிகளும் எந்த சதித் திட்டம் தீட்டினாலும் அதில் வெற்றி பெற முடியாது. இதற்காக நமது மனிதவளமும், தொழில்நுட்ப வளமும் ஒருங்கிணைந்து செயல்பட்டு வருகின்றன. பயங்கரவாத அச்சுறுத்தல்களைத் திறம்பட நாம் எதிா்கொள்வோம்.

எல்லையில் பிஎஸ்எஃப் வீரா்கள் தீவிர கண்காணிப்பில் ஈடுபட்டிருப்பதால் எல்லையோர மக்களும் நாட்டின் உள்புறத்தில் வசிப்பவா்களும் பயப்படத் தேவையில்லை. பொதுமக்களின் பாதுகாப்பை உறுதிப்படுத்த தேவையான அனைத்தையும் நாங்கள் செய்வோம் என்றாா் ஐஜி டி.கே.போரா.