Enable Javscript for better performance
30 ஆண்டுகளுக்குப் பிறகு முதல் முறையாக ஸ்ரீநகா் லால் சௌக்கில் பறந்த தேசியக் கொடி- Dinamani

உடனுக்கு உடன் செய்திகள்

    30 ஆண்டுகளுக்குப் பிறகு முதல் முறையாக ஸ்ரீநகா் லால் சௌக்கில் பறந்த தேசியக் கொடி

    By DIN  |   Published On : 27th January 2022 02:40 AM  |   Last Updated : 27th January 2022 02:40 AM  |  அ+அ அ-  |  

    லால் செளக் மணிக்கூண்டில் கிரேன் உதவியுடன் ஏற்றப்படும் தேசியக் கொடி.

    லால் செளக் மணிக்கூண்டில் கிரேன் உதவியுடன் ஏற்றப்படும் தேசியக் கொடி.

     

    ஸ்ரீநகா்: முப்பது ஆண்டுகளுக்குப் பிறகு முதல் முறையாக ஜம்மு-காஷ்மீரின் ஸ்ரீநகரில் உள்ள லால் சௌக்கில் குடியரசு தினத்தையொட்டி புதன்கிழமை தேசியக் கொடி ஏற்றப்பட்டது.

    சமூக ஆா்வலா்களான சஜித் யூசுஃப் ஷா, சாஹில் பஷீா் பட் ஆகிய இருவரும் தங்கள் ஆதரவாளா்களுடன் சோ்ந்து லால் சௌக்கில் உள்ள மணிக்கூண்டில் குடியரசு தினத்தில் தேசியக் கொடி ஏற்றுவதற்கு ஏற்பாடு செய்தனா். அதன்படி, கிரேன் உதவியுடன் மணிக்கூண்டில் அவா்கள் தேசியக் கொடியை ஏற்றினா்.

    நிகழ்ச்சியில் காஷ்மீா் தற்காப்புக் கலை அகாதெமியின் இளைஞா்கள் கலந்துகொண்டு தேசபக்திப் பாடல்களுக்கு நடனமாடினா். காவல் துறை, துணை ராணுவப் படையைச் சோ்ந்த நூற்றுக்கும் மேற்பட்டோா் நிகழ்ச்சியில் கலந்துகொண்டனா்.

    ஸ்ரீநகரில் பயங்கரவாதம் தலைதூக்கிய பிறகு லால் சௌக்கில் உள்ள மணிக்கூண்டில் தேசியக் கொடி ஏற்றப்படவில்லை. இதற்கு முன்பு, கடந்த 1992-ஆம் ஆண்டு பாஜக மூத்த தலைவா் முரளி மனோகா் ஜோஷி அங்கு தேசியக் கொடி ஏற்றினாா். அதன்பிறகு குடியரசு தினம் போன்ற முக்கிய தினங்களில் ஊரடங்கு கட்டுப்பாடு விதிக்கப்பட்டதால் தேசியக் கொடி ஏற்றப்படவில்லை.

    லால் சௌக் தவிர, பிரதாப் பாா்க், இக்பால் பாா்க் உள்பட நகரின் பல்வேறு இடங்களிலும் புதன்கிழமை தேசியக் கொடி ஏற்றப்பட்டது. நகரில் அதிக இடங்களில் தேசியக் கொடி ஏற்றப்பட்டிருப்பது இதுவே முதல் முறையாகும்.

    அமித் ஷா வாழ்த்து: குடியரசு தினத்தையொட்டி, வீர தீரச் செயல்களை புரிந்தவா்களுக்கு மத்திய அரசு செவ்வாய்க்கிழமை விருதுகளை அறிவித்தது. அவற்றில், ஜம்மு-காஷ்மீா் காவல் துறையைச் சோ்ந்த 115 போ் விருதுக்குத் தோ்ந்தெடுக்கப்பட்டுள்ளனா்.

    இதுகுறித்து மத்திய உள்துறை அமைச்சா் அமித் ஷா புதன்கிழமை வெளியிட்ட ட்விட்டா் பதிவில், ‘நாட்டின் பயங்கரவாதத்துக்கு எதிரான போரில் ஜம்மு-காஷ்மீா் காவல் துறை முக்கியப் பங்காற்றி வருகிறது. வீரதீரச் செயல்களுக்கான விருது பெறுவோரில் அதிகபட்சமாக ஜம்மு-காஷ்மீா் காவல் துறையைச் சோ்ந்த 115 போ் விருதுக்குத் தோ்வாகியிருப்பது பெருமைக்குரிய விஷயம்.

    இது, ஜம்மு-காஷ்மீா் காவல் துறையின் வீரத்தையும் அா்ப்பணிப்பையும் பிரதிபலிக்கிறது. சாதனைக்குரிய இந்தத் தருணத்தில் ஜம்மு காஷ்மீா் காவல் துறையின் துணிச்சலைப் பாராட்டி வணங்குகிறேன்’ என்று குறிப்பிட்டுள்ளாா்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp