Enable Javscript for better performance
Karnataka Governor meets BS Yediyurappa after his daughter found hanging- Dinamani

உடனுக்கு உடன் செய்திகள்

    எடியூரப்பாவை நேரில் சந்தித்து ஆறுதல் தெரிவித்த கர்நாடக ஆளுநர்

    By DIN  |   Published On : 29th January 2022 04:15 PM  |   Last Updated : 29th January 2022 04:18 PM  |  அ+அ அ-  |  

    karnataka

    கர்நாடக முன்னாள் முதல்வா் எடியூரப்பாவை நேரில் சந்தித்து ஆளுநர் தாவர்சந்த் கெலாட் ஆறுதல் கூறினார்.

    முன்னாள் முதல்வா் எடியூரப்பாவின் முதல் மகள் பத்மாவதியின் மகள் சௌந்தா்யா (30). மருத்துவரான இவருக்கும், டாக்டா் நீரஜுக்கும் 2018ஆம் ஆண்டு திருமணம் நடந்தது. இருவருக்கும் 6 மாத குழந்தை உள்ளது. பெங்களூரு, வசந்த் நகரில் உள்ள அடுக்குமாடி குடியிருப்பில் தனது கணவா் நீரஜுடன், சௌந்தா்யா வசித்து வந்தாா்.

    வெள்ளிக்கிழமை காலை 8 மணிக்கு கணவா் நீரஜ் வீட்டில் இருந்து வேலைக்கு சென்றதும், சௌந்தா்யா தனது அறையில் தனியாக இருந்ததாகக் கூறப்படுகிறது. 
    நீண்ட நேரம் வெளியே வராததால் சந்தேகமடைந்த வீட்டுப் பணியாளா்கள், கதவைத் திறக்க முயன்றபோது உள்பக்கமாக தாளிடப்பட்டிருந்தது தெரிய வந்தது. இதனால் சந்தேகமடைந்த பணியாளா்கள், அவரது கணவருக்குத் தகவல் அளித்துள்ளனா்.

    இதையும் படிக்க- தலைமைப் பொருளாதார ஆலோசகர் ஆனந்த நாகேஸ்வரன்: ஸ்டாலின் வாழ்த்து

    தகவல் அறிந்து வீட்டுக்கு வந்த நீரஜ், சௌந்தா்யா இருந்த அறையின் கதவை உடைத்து உள்ளே சென்றாா். அங்கு மின் விசிறியில் செளந்தா்யா தூக்கிட்டிருந்ததைக் கண்டு அதிா்ச்சி அடைந்தாா். அவரை மீட்டு உடனடியாக அருகில் இருந்த மல்லிகே மருத்துவமனைக்கு கொண்டு சென்றனா். அங்கு அவரது உடலைப் பரிசோதித்த மருத்துவா்கள் அவா் ஏற்கெனவே உயிரிழந்து விட்டதாகத் தெரிவித்து விட்டனா்.

    தற்கொலைக்கான காரணம் தெரியவில்லை. இந்தச் சம்பவம் குறித்து ஹைகிரவுண்ட்ஸ் காவல் நிலையத்தில் வழக்குப் பதிவு செய்து விசாரணை நடந்து வருகிறது. இந்நிகழ்வு முன்னாள் முதல்வா் எடியூரப்பா குடும்பத்தினருக்கு பெரும் அதிா்ச்சியை ஏற்படுத்தியுள்ளது.

    இந்தநிலையில் கர்நாடக முன்னாள் முதல்வா் எடியூரப்பாவை நேரில் சந்தித்து ஆளுநர் தாவர்சந்த் கெலாட் இன்று ஆறுதல் கூறினார். இந்நிகழ்வின்போது கர்நாடக முதல்வர் பசவராஜ் பொம்மை உடன் இருந்தார்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp