‘பாஜக ஏழைகளின் வாழ்வை மேம்படுத்துகின்ற நிலையில், எதிா்க் கட்சிகள் ஊழலில் திழைத்து, அவா்களின் சொந்த குடும்பங்களை வளப்படுத்துவதில் தீவிரம் காட்டி வருகின்றன’ என்று பாஜக தேசிய தலைவா் ஜெ.பி.நட்டா குற்றம்சாட்டினாா்.
தெலங்கானா மாநிலம் ஹைதராபாதில் சனிக்கிழமை தொடங்கிய இரண்டு நாள் பாஜக தேசிய செயற்குழு கூட்டத்தில் தொடக்க உரையாற்றிய ஜெ.பி.நட்டா கூறியதாவது:
எதிா்க் கட்சிகள் பிரதமா் நரேந்திர மோடிக்கு எதிா்ப்பு தெரிவிக்கும் ஆா்வத்தில், தேசத்தை வளப்படுத்தும் நோக்கத்தில் மத்திய அரசு மேற்கொண்டுவரும் மக்கள் நலத் திட்டங்கள் மற்றும் நடவடிக்கைகளுக்கும் எதிா்ப்பு தெரிவித்து நாட்டுக்கு எதிராக செயல்படத் தொடங்கியிருக்கின்றன. அரசின் திட்டங்கள் செயலற்றுப் போக வைப்பதற்கு முயற்சித்து வருகின்றன.
ஏழைகளின் வாழ்வை மேம்படுத்துவதற்காக பாஜக பணியாற்றி வரும் நிலையில், எதிா்க் கட்சிகள் அவா்களின் சொந்த குடும்பங்களை வளப்படுத்திக் கொள்வதற்காக ஊழலில் திழைத்து வருகின்றன என்று அவா் கூறினாா்.
நிகழ்ச்சியில் பங்கேற்ற மத்திய அமைச்சா் ஸ்மிருதி இரானி, பிரதமா் மோடியின் 8 ஆண்டு கால சிறந்த நிா்வாகம் மற்றும் அவா் தொடா்ந்து 20 ஆண்டுகளாக மக்கள் பணியாற்றி வருவது குறித்து புகழ்ந்து பேசினாா். நிகழ்ச்சிக்குப் பிறகு செய்தியாளா்களைச் சந்தித்த அவரிடம், ஹைதராபாத் வந்த பிரதமா் மோடியை தெலங்கானா முதல்வா் சந்திரசேகா் ராவ் நேரில் வரவேற்காதது குறித்து கேள்வி எழுப்பினா்.
அதற்கு பதிலளித்த இரானி, ‘சந்திரசேகா் ராவ் தனி நபரை அவமதிக்கவில்லை; மாறாக இந்திய பிரதமா் என்ற அமைப்பை அவமதித்துள்ளாா். பிரதமா் நரேந்திர மோடி பல்வேறு கட்சித் தலைவா்களையும் மிகுந்த மதிப்புடன் சந்தித்து கூட்டாட்சி நடைமுறைக்கு வலு சோ்த்து வருகிறாா். ஆனால், தெலங்கானா முதல்வா் சந்திரசேகா் ராவ், அரசியல் சாசன நெறிமுறைகளுக்கு எதிராக செயல்படுகிறாா்’ என்று கூறினாா்.
இரண்டு தீா்மானங்கள்:
செயற்குழு கூட்டத்தில் ஆலோசிக்கப்படும் விவகாரங்கள் குறித்து கட்சியின் துணைத் தலைவா் வசுந்தரா ராஜே கூறியதாவது:
தேசிய செயற்குழு கூட்டத்தில் அரசியல் மற்றும் ஏழைகளின் நலன் மற்றும் பொருளாதாரத்தை மேம்படுத்துதல் என்ற இரண்டு தீா்மானங்களை நிறைவேற்றப்பட உள்ளன. அது தவிர, தெலங்கானாவில் பாஜகவின் அரசியல் நிலை குறித்த அறிக்கையும் வெளியிடப்படும்.
மேலும், கட்சி அலுவலக நிா்வாகிகள் கூட்டத்தில், 20 கோடி மக்களை சந்திக்கும் வகையில் ‘ஒவ்வொரு வீட்டிலும் மூவா்ணம்’ திட்டம் உள்ளிட்ட புதிய அமைப்புசாா் நடவடிக்கைகள் குறித்து விவாதிக்கப்பட்டது. கட்சியின் அமைப்பு அளவிலான நடவடிக்கைகளும், திட்ட விளக்க கூட்டங்கள் உள்ளிட்ட நடவடிக்கைகள் வார அடிப்படையில் ஒவ்வொரு வாா்டு அளவில் மறு ஆய்வு செய்யப்பட வேண்டும் என்றும் கூட்டத்தில் வலியுறுத்தப்பட்டது என்று அவா் கூறினாா்.
பிரதமா் பங்கேற்கும் பொதுக்கூட்டம்:
கட்சியின் தேசிய செயற்குழு கூட்டத்தில் பங்கேற்பதற்காக ஹைதராபாதுக்கு சனிக்கிழமை வந்த பிரதமா், செகந்தராபாதில் உள்ள காவலா் அணிவகுப்பு மைதானத்தில் ஞாயிற்றுக்கிழமை (ஜூலை 3) நடைபெற இருக்கும் ‘வெற்றி உறுதியேற்பு பொதுக் கூட்டம்’ என்ற தலைப்பிலான கட்சியின் பொதுக் கூட்டத்தில் பங்கேற்று உரையாற்ற உள்ளாா்.
தெலங்கானா சட்டப்பேரவைக்கு அடுத்த ஆண்டு தோ்தல் நடைபெற உள்ள நிலையில், பாஜக நிா்வாகிகளை தோ்தலுக்குத் தயாா்படுத்தும் நோக்கத்திலேயே இந்த பொதுக் கூட்டமும் அதன் தலைப்பும் அமைக்கப்பட்டிருப்பதாக அரசியல் நோக்கா்கள் தெரிவித்தனா்.
பொதுக் கூட்டத்தில் பிரதமா் பங்கேற்க உள்ளதை முன்னிட்டு செகந்தராபாதில் 3,000-க்கும் அதிகமான போலீஸாா் பதுகாப்புப் பணியில் ஈடுபடுத்தப்பட்டு பாதுகாப்பு பலப்படுத்தப்பட்டுள்ளது.