லாலு பிரசாத் விரைவில் குணமடைய முதல்வர் ஸ்டாலின் வாழ்த்து
தில்லி எய்ம்ஸ் மருத்துவமனையில் சிகிச்சை பெற்று வரும் ராஷ்ட்ரீய ஜனதா தள தலைவரும் பிகாா் முன்னாள் முதல்வருமான லாலு பிரசாத் விரைவில் குணமடைய வாழ்த்துவதாக முதல்வர் மு.க.ஸ்டாலின் தெரிவித்துள்ளார்.
74 வயதாகும் லாலு பிரசாத், கடந்த திங்கள்கிழமை பாட்னாவில் உள்ள அவருடைய வீட்டில் கீழே விழுந்தாா். அதில் அவருடைய உடலில் 3 இடங்களில் எலும்பு முறிவு ஏற்பட்டது. இதையடுத்து, பாட்னாவில் உள்ள ஒரு மருத்துவமனையில் அனுமதிக்கப்பட்டு சிகிச்சை பெற்று வந்தாா்.
இந்நிலையில், மேல்சிகிச்சைக்காக அவா் ஆம்புலன்ஸ் ஹெலிகாப்டரில் புதன்கிழமை இரவு தில்லி அழைத்துவரப்பட்டு எய்ம்ஸ் மருத்துவமனையில் அனுமதிக்கப்பட்டு சிகிச்சை பெற்று வருகிறார்.
இதையும் படிக்க | ஜப்பான் முன்னாள் பிரதமர் ஷின்சோ அபே துப்பாக்கிச் சூட்டில் பலி?
இந்நிலையில், லாலு பிரசாத் விரைவில் குணமடைய வேண்டும் என முதல்வர் மு.க.ஸ்டாலின் வாழ்த்து தெரிவித்துள்ளார்.
இதுதொடர்பாக அவர் ட்விட்டரில் வெளியிட்டுள்ள பதிவில், தோள்பட்டை காயம் காரணமாக ராஷ்ட்ரீய ஜனதா தள தலைவர் லாலு பிரசாத் தில்லி எய்ம்ஸ் மருத்துவமனையில் சிகிச்சை பெற்று வரும் செய்தியை அறிந்து வருத்தம் அடைந்தேன். அவர் விரைவில் குணமடைய வாழத்துகிறேன். தந்தையின் உடல்நிலை சீராக உள்ளதாக தேஜஸ்வி யாதவ் கூறியது மகிழ்ச்சி அளிப்பதாக ஸ்டாலின் கூறியுள்ளார்.