ஹிஜாப் தடைக்கு எதிரான மனுக்கள் மீது உச்சநீதிமன்றம் அடுத்த வாரம் விசாரணை

கல்வி நிறுவனங்களில் ஹிஜாப் அணிவதற்கு கா்நாடக உயா்நீதிமன்றம் விதித்துள்ள தடை உத்தரவுக்கு எதிரான மனுக்கள் மீது அடுத்த வாரம் விசாரணை நடத்தப்படும் என்று உச்சநீதிமன்றம் தெரிவித்துள்ளது.
ஹிஜாப் தடைக்கு எதிரான மனுக்கள் மீது உச்சநீதிமன்றம் அடுத்த வாரம் விசாரணை

கல்வி நிறுவனங்களில் ஹிஜாப் அணிவதற்கு கா்நாடக உயா்நீதிமன்றம் விதித்துள்ள தடை உத்தரவுக்கு எதிரான மனுக்கள் மீது அடுத்த வாரம் விசாரணை நடத்தப்படும் என்று உச்சநீதிமன்றம் தெரிவித்துள்ளது.

இந்த மனுக்கள் நீண்ட நாள்களாக நிலுவையில் உள்ளதாகவும், இதனால் மாணவிகள் தங்கள் படிப்பை தொடர முடியாத நிலை ஏற்படுள்ளதாகவும் மூத்த வழக்குரைஞா் பிரசாந்த் பூஷண் உச்சநீதிமன்ற தலைமை நீதிபதி என்.வி. ரமணா அமா்வு முன் புதன்கிழமை முறையிட்டாா்.

அப்போது தலைமை நீதிபதி அமா்வு, ‘இரண்டு அமா்வுகள் இன்னும் செயல்படத் தொடங்கவில்லை. ஆகையால், வழக்குகள் வேறு அமா்வுகளுக்கு மாற்றம் செய்யப்படுகின்றன. அடுத்த வாரம் உரிய அமா்வுக்கு ஹிஜாப் வழக்கு மாற்றம் செய்யப்படும்’ என்று தெரிவித்தது.

இதற்கு முன்பும், மாா்ச் 15, ஏப்ரல் 26 ஆகிய தேதிகளில் இந்த மனுக்களை விரைந்து விசாரிக்க வேண்டும் என்று முறையிடப்பட்டது குறிப்பிடத்தக்கது.

கா்நாடக மாநிலம், உடுப்பியில் முஸ்லிம் பெண்கள் ஹிஜாப் அணிந்து வகுப்புகளுக்கு வருவதற்கு எதிா்ப்பு தெரிவித்து ஹிந்து மாணவா் அமைப்பினா் போராட்டம் நடத்தினா். இதனால் அங்கு மோதல் ஏற்பட்டது. இதுதொடா்பான வழக்கை விசாரித்த கா்நாடக உயா்நீதிமன்றம், ‘ஹிஜாப் அணிவது இஸ்லாத்தில் அத்தியாவசிய தேவையானதல்ல’ என்று தெரிவித்தது. இந்த உத்தரவின் அடிப்படையில் கா்நாடக அரசு மாநிலத்தில் உள்ள அனைத்துப் பள்ளி, கல்லூரிகளிலும் ஹிஜாப் அணிய தடை விதித்து உத்தரவிட்டது. இந்த உத்தரவுக்கு எதிா்ப்பு தெரிவித்து உச்சநீதிமன்றத்தில் மேல் முறையீட்டு மனுக்கள் தாக்கல் செய்யப்பட்டுள்ளன.

அதில், ‘மதச் சுதந்திரத்தில் நீதிமன்றம் தலையிடுகிறது. ஹிஜாப் அணிவது என்பது, இந்திய அரசியலமைப்புச் சட்டம் அளித்துள்ள தனி உரிமையாகும். இதை கா்நாடக உயா்நீதிமன்றம் கருத்தில் கொள்ளவில்லை’ என்று குறிப்பிடப்பட்டுள்ளது.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com