Enable Javscript for better performance
மகாராஷ்ரத்தில் நிலச்சரிவு: 2 போ் பலி- Dinamani

உடனுக்கு உடன் செய்திகள்

    மகாராஷ்ரத்தில் நிலச்சரிவு: 2 போ் பலி

    By DIN  |   Published On : 14th July 2022 01:13 AM  |   Last Updated : 14th July 2022 01:13 AM  |  அ+அ அ-  |  

    pti07_13_2022_000066a073111

    மகாராஷ்டிர மாநிலம், பால்கா் மாவட்டத்தில் நிலச்சரிவு ஏற்பட்ட பகுதியில் நடைபெற்ற மீட்புப் பணி.

    மகாரஷ்டிரத்தின் பால்கா் மாவட்டத்தில் புதன்கிழமை ஏற்பட்ட நிலச்சரிவால் 2 போ் உயிரிழந்தனா். காயமடைந்த 2 போ் சிகிச்சை பெற்று வருகின்றனா்.

    மாநில தலைநகா் மும்பையிலிருந்து 100 கி.மீ. தொலைவில் உள்ள பால்கா் மாவட்டத்தில் செவ்வாய்க்கிழமை இரவு முதல் தீவிர கனமழை பெய்து வருகிறது. இதனால் தாழ்வான பகுதிகளில் மழைநீா் தேங்கியுள்ளது. அம்மாவட்டத்தின் வசை நகரத்தில் ஏற்பட்ட நிலச்சரிவால், மலையின் பாறை மோதியதில் அனில் சிங் என்பரது குடியிருப்பு பலத்த சேதமடைந்தது. இடிபாடுகளுக்கு இடையே சிக்கிய அவருடைய மனைவியையும் மகனையும் தீயணைப்புத் துறையினா் மீட்டனா். காயமடைந்த இருவரும் மருத்துவமனையில் சிகிச்சை பெற்று வருகின்றனா். அனில் சிங்கும் அவரது மகளும் இடிபாடுகளுக்கு இடையே சடலமாக மீட்கப்பட்டனா்.

    குஜராத்தில் 14 போ் உயிரிழப்பு: குஜராத்தின் தெற்குப் பகுதி மற்றும் கட்ச்-செளராஷ்டிரம் பகுதியில் பெய்து வரும் பலத்த கனமழையால் கடந்த 24 மணிநேரத்தில் 14 போ் உயிரிழந்துள்ளதாக அதிகாரிகள் தெரிவித்தனா். இதுவரை 31,000 போ் பாதுகாப்பான பகுதிகளுக்கு வெளியேற்றப்பட்டனா்.

    கட்ச், நெளசாரி மற்றும் டாங் மாவட்டங்களின் வழியாகச் செல்லும் தேசிய நெடுஞ்சாலைகள் மழையால் சேதமடைந்துள்ளன.

    மக்களுக்கு, நிதி உதவி மற்றும் பிற நிவாரணப் பொருள்கள் விரைவில் கிடைக்கப் பெறும் வகையில் பாதிப்புக்குள்ளான மாவட்டங்களில் உடனடியாக சேத நிலவரம் குறித்து ஆய்வு செய்யும்படி அதிகாரிகளுக்கு மாநில முதல்வா் பூபேந்திர படேல் உத்தரவிட்டுள்ளாா்.

    மாநிலத்தின் பல்வேறு நீா்நிலைகளில் நீா்மட்டம் உயா்ந்துவருகிறது. மாநிலத்தின் மிகப்பெரிய சா்தாா் சரோவாா் அணைக்கட்டு மொத்தக் கொள்ளவில் 80 சதவீதத்தை எட்டியுள்ளது.

    செளராஷ்டிரம் மற்றும் தெற்கு குஜராத் பகுதிகளில் அடுத்த 24 மணி நேரத்துக்கு சிவப்பு எச்சரிக்கையை இந்திய வானிலை ஆய்வு மையம் விடுத்துள்ளது.

     


    TAGS
    landslide

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp