பண்ணை வீட்டில் பாலியல் தொழில்: மேகாலய பாஜக துணைத் தலைவா் உ.பி.யில் கைது

பண்ணை வீட்டில் பாலியல் தொழில் நடத்திய வழக்கில் போலீஸாரால் தேடப்பட்டு வந்த மேகாலய பாஜக துணைத் தலைவா் பொ்னாா்ட் என் மாரக் உத்தர பிரதேசத்தில் கைது செய்யப்பட்டாா்.

பண்ணை வீட்டில் பாலியல் தொழில் நடத்திய வழக்கில் போலீஸாரால் தேடப்பட்டு வந்த மேகாலய பாஜக துணைத் தலைவா் பொ்னாா்ட் என் மாரக் உத்தர பிரதேசத்தில் கைது செய்யப்பட்டாா்.

முன்னதாக, தலைமறைவாக இருந்த பொ்னாா்டு நாட்டை விட்டு அவா் தப்பிவிடாமல் இருக்க தேடுதல் நோட்டீஸை (லுக் அவுட்) மேகாலய போலீஸாா் வெளியிட்ட சில மணி நேரத்தில் உத்தர பிரதேச மாநிலம் ஹபூா் மாவட்டத்தில் அவா் கைது செய்யப்பட்டாா். அவரை கைது செய்து பிடித்து வர தங்கள் மாநில போலீஸாா் உத்தர பிரதேசத்துக்கு விரைந்துள்ளனா் என்று மேகாலய காவல் துறை கண்காணிப்பாளா் விவேகானந்த் சிங் தெரிவித்தாா்.

மேற்கு காரோ மலை மாவட்டம், துராவில் பொ்னாா்டுக்கு சொந்தமான பண்ணை வீட்டில் சனிக்கிழமை சோதனை நடத்திய போலீஸாா் 6 சிறுமிகளை மீட்டனா். 73 பேரை கைது செய்தனா். தலைமைறைவாக இருந்த பொ்னாா்டுக்கு எதிராக ஜாமீனில் வெளிவராத பிடிவாரண்டை துரா நீதிமன்றம் திங்கள்கிழமை பிறப்பித்தது.

அவா் நாட்டைவிட்டு தப்பிவிடாமல் இருக்க மேகாலய போலீஸாா் தேடுதல் நோட்டீஸை செவ்வாய்க்கிழமை அறிவித்தனா். இந்த நிலையில், அவா் உ.பி.யில் இருப்பது தெரியவந்தது.

மேகாலயத்தில் பாஜக அங்கம் வகிக்கும் கூட்டணி ஆட்சி நடைபெற்று வருகிறது. தேசிய மக்கள் கட்சியின் தலைவா் கான்ராட் கே.சங்மா முதல்வராக உள்ளாா்.

அந்த மாநிலத்தில் கிளா்ச்சியாளராக இருந்து அரசியல்வாதியாக மாறியவா் பொ்னாா்ட் மாரக். பாஜகவில் இணைந்த அவா் கட்சியில் துணைத் தலைவா் பொறுப்பு வகித்தாா். இந்நிலையில், அரசியல் காழ்ப்புணா்ச்சியின் காரணமாக மாநில முதல்வா் சங்மா தனக்கு எதிராக நடவடிக்கை எடுப்பதாகவும் அவா் குற்றம்சாட்டியுள்ளாா்.

பொ்னாா்டின் இந்த குற்றச்சாட்டை மறுத்த துணை முதல்வா் பிரிஸ்டோன் டிசாங், ‘சட்டம் அனைவருக்கும் சமம். எந்தக் கட்சியாக இருந்தாலும், அரசுக்கு ஆதரவாக இருந்தாலும் இல்லையென்றாலும் சட்டம் கடமையைச் செய்யும். மோசமான சம்பவங்கள் நடைபெற்றுள்ளன. போலீஸாா் சட்டப்படி நடவடிக்கை எடுப்பாா்கள்’ என்றாா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com