Enable Javscript for better performance
அரசு இல்லத்தை காலி செய்த உத்தவ் தாக்கரே: விரைவில் ராஜிநாமா?- Dinamani

உடனுக்கு உடன் செய்திகள்

    அரசு இல்லத்தை காலி செய்த உத்தவ் தாக்கரே: விரைவில் ராஜிநாமா?

    By DIN  |   Published On : 23rd June 2022 09:49 AM  |   Last Updated : 23rd June 2022 09:58 AM  |  அ+அ அ-  |  

    Uttam Thackeray vacates government residence: Tensions in Maharashtra

    அரசு இல்லத்தை காலி செய்த உத்தவ் தாக்கரே

    மகாராஷ்டிர மாநிலத்தில் நிலவிவரும் அரசியல் குழப்பங்களுக்கிடையே முதல்வர் உத்தவ் தாக்கரே அரசு இல்லத்தை காலி செய்து வெளியேறியுள்ளது பரபரப்பை ஏற்படுத்தியுள்ளது.

    மகாராஷ்டிரத்தில் ஆளும் சிவசேனை கட்சியின் 40 சட்டப்பேரவை உறுப்பினர்கள் அக்கட்சியின் மூத்த தலைவர் ஏக்நாத் ஷிண்டே தலைமையில் பாஜகவில் இணைய உள்ளதாக செய்திகள் வெளியானதிலிருந்து அம்மாநிலத்தில் அரசியல் பரபரப்பு தொற்றிக் கொண்டுள்ளது. 

    இதையும் படிக்க | அமலாக்கத் துறையில் ஆஜராக கூடுதல் அவகாசம்: சோனியா காந்தி மீண்டும் வேண்டுகோள்

    ஏக்நாத் ஷிண்டே தலைமையில் குவாஹாட்டியில் அதிருப்தி எம்எல்ஏக்கள் கூட்டம் புதன்கிழமை மாலை நடைபெற்றது. அதில், சிவசேனை சட்டப்பேரவைக் கட்சித் தலைவராக ஏக்நாத் ஷிண்டேவை மீண்டும் நியமித்து தீா்மானம் நிறைவேற்றப்பட்டது.

    இதுதொடர்பாக பேசிய அம்மாநில முதல்வரும், சிவசேனை கட்சியின் தலைவருமான உத்தவ் தாக்கரே முதல்வராகத் தொடர வேண்டாம் என ஏதேனும் ஒரு எம்எல்ஏ விரும்பினால்கூட தான் பொறுப்பிலிருந்து விலகத் தயார் எனத் தெரிவித்தார்.

    இதையும் படிக்க | முதல்வா் பதவியை ராஜிநாமா செய்யத் தயாா்: உத்தவ் தாக்கரே

    அதனைத் தொடர்ந்து புதன்கிழமை இரவு தான் வசிக்கும் அரசு இல்லத்திலிருந்து உத்தவ் தாக்கரே வெளியேறினார். தனது உடைமைகளுடன் அரசு இல்லத்தை காலி செய்வதாகத் தெரிவித்த உத்தவ் தாக்கரேவிற்கு ஆதரவாக அவரது கட்சித் தொண்டர்கள் சூழ்ந்துகொண்டு முழக்கங்களை எழுப்பினர். 

    அப்போது தொண்டர்கள் “உங்களுடன் நாங்கள் இருக்கிறோம்” என முழக்கங்களை எழுப்பினர். அரசு இல்லத்தை உத்தவ் தாக்கரே காலி செய்த நிலையில் விரைவில் அவர் தனது பதவியை ராஜிநாமா செய்வார் என எதிர்பார்க்கப்படுகிறது.

    288 உறுப்பினா்களைக் கொண்ட மகாராஷ்டிர சட்டப்பேரவையில் சிவசேனைக்கு 55 உறுப்பினா்களும், தேசியவாத காங்கிரஸ் கட்சிக்கு 53 எம்எல்ஏக்களும் காங்கிரஸ் கட்சிக்கு 44 எம்எல்ஏக்களும் உள்ளனா். பாஜகவுக்கு 106 எம்எல்ஏக்கள் உள்ளனா். சிறிய கட்சிகள், சுயேச்சை எம்எல்ஏக்கள் 25 போ் உள்ளனா்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp