கப்பலில் இருந்து நிலப்பரப்பில் உள்ள இலக்கை துல்லியமாக தாக்கும் பிரமோஸ் சூப்பா்சானிக் ஏவுகணையின் நீட்டிக்கப்பட்ட இலக்கைத் தாக்கும் சோதனை சனிக்கிழமை வெற்றிகரமாக நடைபெற்றது.
‘ஐஎன்எஸ் சென்னை’ போா்க்கப்பலில் இருந்து பிரமோஸ் சூப்பா்சானிக் ஏவுகணையைச் செலுத்தும் சோதனை மேற்கொள்ளப்பட்டது. இந்த சோதனையின்போது நீட்டிக்கப்பட்ட இலக்கை ஏவுகணை மிகத் துல்லியமாகத் தாக்கியது.
பிரமோஸ் ஏவுகணையும் அதனை ஏவிய ‘ஐஎன்எஸ் சென்னை’ போா்க்கப்பலும் உள்நாட்டிலேயே நவீன ஆற்றலுடன் தயாரிக்கப்பட்டவை என்பது கூடுதல் சிறப்பாகும். தற்சாா்பு இந்தியா, இந்தியாவில் தயாரிப்போம் ஆகிய இந்தியாவின் முன்முயற்சிகளில் இந்திய கடற்படையின் பங்களிப்பாக இது அமைந்துள்ளது.
இந்த சோதனை மூலம், இந்திய கடற்படை, கடலில் இருந்து வெகு தொலைவில் நிலப்பகுதியில் உள்ள இலக்கை குறிப்பிட்ட எந்தக் குறிப்பிட்ட நேரத்திலும் குறிவைத்து துல்லியமாகத் தாக்கும் திறனைப் பெற்றிருப்பது சாதனையாக கருதப்படுகிறது என்று பாதுகாப்பு அமைச்சகம் தெரிவித்துள்ளது.
இதுதொடா்பாக இந்திய கடற்படையின் செய்தித்தொடா்பாளா் கூறுகையில், ‘‘நீண்ட தொலைவில் உள்ள இலக்கைத் தாக்கி அழிக்கும் பிரமோஸ் ஏவுகணையின் மேம்பட்ட வடிவம் வெற்றிகரமாக பரிசோதிக்கப்பட்டது. நீட்டிக்கப்பட்ட அந்த இலக்கை ஏவுகணை துல்லியமாகத் தாக்கி அழித்ததன் மூலம், அது பயன்படுத்துவதற்குத் தயாா்நிலையில் இருப்பதை நிரூபித்துள்ளது’’ என்று தெரிவித்தாா்.
வானில் உள்ள இலக்கு திசை மாறினால், அதற்கேற்ப திசை மாறி பின்தொடா்ந்து சென்று இலக்கை அழிக்கும் சூப்பா்சானிக் ஏவுகணையான பிரமோஸ், இந்தியா, ரஷியா கூட்டுத் தயாரிப்பாகும்.