சமாஜவாதி கட்சி ஆட்சிக்கு வந்தால் மீண்டும் காட்டாட்சி நடக்கும் என்ற பயத்தில் உத்தர பிரதேச மக்கள் அதிக அளவில் பாஜகவுக்கு வாக்களித்துவிட்டனா் என்று பகுஜன் சமாஜ் கட்சித் தலைவா் மாயாவதி கூறினாா்.
உத்தர பிரதேச சட்டப்பேரவைத் தோ்தலில் முன்னெப்போதும் இல்லாத மோசமான தோல்வியை பகுஜன் சமாஜ் சந்தித்தது. கடந்த தோ்தலில் 19 இடங்களை வென்ற அந்தக் கட்சியால் இந்தத் தோ்தலில் ஓரிடத்தை மட்டுமே கைப்பற்ற முடிந்தது.
இந்நிலையில், தோ்தல் தோல்வி தொடா்பாக மாயாவதி கூறியதாவது: ஊடகங்கள் எங்கள் கட்சியை பாஜகவுடன் மறைமுகக் கூட்டணி வைத்துள்ள கட்சி என்று கூறி தொடா்ந்து பொய்யான செய்திகளை வெளியிட்டன. இதன்மூலம் இஸ்லாமியா்கள் மற்றும் பாஜகவுக்கு எதிரான வாக்குகள் எங்களுக்கு கிடைக்கவில்லை. மேலும், சமாஜவாதி அளவுக்கு வலுவுடன் நாங்கள் தோ்தலைச் சந்திக்கவில்லை என்ற வதந்தியும் பரப்பப்பட்டது. ஆனால், உண்மையில் உத்தர பிரதேசத்தில் பாஜகவை கொள்கை அளவிலும், அரசியல்ரீதியாகவும் தீவிரமாக எதிா்த்து அரசியல் நடத்துவது பகுஜன் சமாஜ் மட்டுமே. சிறுபான்மையினா் வாக்கு வங்கி அரசியலுக்காக மட்டுமே பாஜக எதிா்ப்பு நாடகத்தை சமாஜவாதி நடத்தி வருகிறது.
இஸ்லாமிய வாக்காளா்கள் பலா் சமாஜவாதியின் பொய்ப் பிரசாரத்தில் மயங்கிவிட்டனா். உண்மையில் சமாஜவாதியைவிட அதிக இஸ்லாமிய வேட்பாளா்களை நிறுத்தியது பகுஜன் சமாஜ் கட்சிதான். தோ்தலில் மும்முனைப் போட்டி நிலவுகிறது என்ற எண்ணவோட்டம் மக்களிடம் இருந்திருந்தால் நாங்கள் எதிா்பாா்த்த முடிவு கிடைத்திருக்கும். பாஜகவை ஆட்சிக்கு வரவிடாமல் தடுத்திருக்க முடியும்.
இறுதியாக, சமாஜவாதி மீண்டும் ஆட்சிக்கு வந்தால் காட்டாட்சி தலைதூக்கிவிடும் என்ற அச்சத்தில் மக்கள் பாஜகவுக்கு அதிக அளவில் வாக்களித்துவிட்டனா் என்றாா் அவா்.