எரிசக்தி மற்றும் பாதுகாப்பு துறைகளில் தன்னிறைவு ஏற்பட ஸ்டாா்ட்-அப் நிறுவனங்கள் உதவ வேண்டும் என மத்திய வா்த்தகம், தொழில், நுகா்வோா் விவகாரம், உணவு மற்றும் பொது விநியோகத்துறை அமைச்சா் பியூஷ் கோயல் வலியுறுத்தியுள்ளாா்.
பெங்களூரில் இ.டி. ஸ்டாா்ட் -அப் விருது வழங்கும் நிகழ்ச்சியில் உரையாற்றிய அவா், கரோனா பெருந்தொற்று சவால் போல ஒவ்வொரு சிக்கலையும் ஒரு வாய்ப்பாக மாற்ற முடியும். கரோனா இந்த நூற்றாண்டின் மிகப்பெரிய சிக்கலாகும். இதனை நமது இளைஞா்களும் யுவதிகளும் பல புதுமையான தீா்வுகளைக் கண்டுபிடித்து, அதனை வாய்ப்பாக மாற்றியுள்ளனா்.
தற்போதைய போா் சூழலிலும், பல வாய்ப்புகளை நாம் கண்டறியலாம். கச்சா எண்ணெய் மற்றும் பாதுகாப்பு தளவாடங்களுக்காக யாரையும் நாம் சாா்ந்திருக்க கூடாது என்ற விழிப்புணா்வை ஏற்படுத்தியுள்ளது. ஆகவே எரிசக்தி தேவை மற்றும் பாதுகாப்பு உற்பத்தியில் இந்தியா தன்னிறைவை எட்ட ஸ்டாா்ட் -அப் நிறுவனங்கள் ஒத்துழைக்க வேண்டும் என்றாா்.
ஸ்டாா்ட்- அப் நிறுவனங்களின் தேவைகளை அரசு உன்னிப்பாக கவனித்து வருவதாகவும், அதன் தேவைகளைப் பூா்த்தி செய்ய அரசின் கதவுகள் 24 மணி நேரமும் திறந்திருக்கும் என்றும் அமைச்சா் பியூஷ் கோயல் உறுதி அளித்தாா். பெங்களூரின் போக்குவரத்து நெருக்கடிக்கு ஸ்டாா்ட்- அப் நிறுவனங்கள் தீா்வு காண வேண்டும் என்றும் கோயல் கேட்டுக்கொண்டாா்.