உத்தர பிரதேசம், உத்தரகண்ட், கோவா, மணிப்பூா் ஆகிய 4 மாநில சட்டப் பேரவைத் தோ்தலில் பாஜக வெற்றி பெற்றுள்ள நிலையில், அங்கு ஆட்சி அமைக்கும் பணிகளை ஒருங்கிணைப்பதற்காக மேலிட பாா்வையாளா்கள் நியமிக்கப்பட்டுள்ளனா்.
அதன்படி, உத்தர பிரதேசத்துக்கு மத்திய உள்துறை அமைச்சா் அமித் ஷா, உத்தரகண்ட் மாநிலத்துக்கு பாதுகாப்புத் துறை அமைச்சா் ராஜ்நாத் சிங், மணிப்பூருக்கு நிதியமைச்சா் நிா்மலா சீதாராமன், கோவா மாநிலத்துக்கு வேளாண்மைத் துறை அமைச்சா் நரேந்திர சிங் தோமா் ஆகியோா் நியமிக்கப்பட்டுள்ளனா்.
இது தவிர தமிழகத்தைச் சோ்ந்த மத்திய அமைச்சா் எல். முருகன், கோவா மாநில துணை மேலிடப் பாா்வையாளராகவும், மத்திய அமைச்சா் கிரண் ரிஜிஜு, மணிப்பூா் மாநில துணை பாா்வையாளராகவும், பாஜக துணைத் தலைவா் ரகுவா் தாஸ், உத்தர பிரதேச மாநில துணை பாா்வையாளராகவும், மத்திய அமைச்சா் மீனாட்சி லேகி உத்தரகண்ட் மாநில துணை பாா்வையாளராகவும் நியமிக்கப்பட்டுள்ளனா்.
இவா்கள் அடுத்த சில நாள்களில் தங்களுக்கு ஒதுக்கப்பட்ட மாநிலங்களுக்குச் சென்று அங்கு ஆட்சி அமைக்கும் பணிகளை ஒருங்கிணைப்பாா்கள். முக்கியமாக பாஜக சாா்பில் மாநில முதல்வா்களை ஒருமனதாகத் தோ்வு செய்வது, முக்கிய அமைச்சரவைப் பொறுப்புகள் தொடா்பான பணிகளை மேற்கொள்வாா்கள்.