மணிப்பூர் மாநிலத்தின் முதல்வராக இரண்டாவது முறையாக பொறுப்பேற்றுள்ள பிரேன் சிங்கிற்கு தமிழக முதல்வர் மு.க.ஸ்டாலின் செவ்வாய்க்கிழமை வாழ்த்து தெரிவித்துள்ளார்.
மணிப்பூர் சட்டப்பேரவைத் தேர்தலில் பாஜக வெற்றி பெற்று மீண்டும் ஆட்சியைக் கைப்பற்றியது. இதனைத் தொடர்ந்து, முதல்வராக என் பிரேன் சிங் நேற்று பிற்பகல் பொறுப்பேற்றார்.
இதையும் படிக்க | மணிப்பூர் முதல்வராக மீண்டும் பதவியேற்றார் பிரேன் சிங்
இந்நிலையில், முதல்வர் ஸ்டாலின் வெளியிட்ட டிவிட்டர் செய்தியில் கூறியிருப்பதாவது:
“மணிப்பூரின் முதல்வராக இரண்டாவது முறையாக பொறுப்பேற்றுக் கொண்ட பிரேன் சிங்கிற்கு வாழ்த்துகள். அவரும், அவரது அமைச்சர்களும் சிறப்பாக செயல்பட வாழ்த்துக்கள்” எனத் தெரிவித்துள்ளார்.