அசாமின் காசிரங்கா தேசியப் பூங்காவில் காண்டாமிருகங்களின் எண்ணிக்கை அதிகரித்துள்ளது.
காசிரங்கா பூங்காவின் முக்கிய உயிரினங்களில் ஒன்றான காண்டாமிருகங்களின் எண்ணிக்கை கடந்த 4 ஆண்டுகளில் அதிகரித்துள்ளதாக பூங்கா இயக்குநர் ஜதிந்தர சர்மா தெரிவித்துள்ளார்.
இதுகுறித்து அவர், ‘2018-ஆம் ஆண்டு காசிரங்கா பூங்காவில் 2,413 காண்டாமிருகங்கள் இருந்தன. இந்நிலையில், தீவிரக் கண்காணிப்பு மற்றும் வேட்டையாளர்களை நெருங்க விடாமல் பாதுகாத்ததில் கடந்த 4 ஆண்டுகளில் காண்டாமிருகங்களின் எண்ணிக்கை 200 அதிகரித்துள்ளது இந்தாண்டு கணக்கெடுப்பில் தெரியவந்துள்ளது. இதனால், பூங்காவில் தற்போது 2,613 காண்டாமிருகங்கள் உள்ளன’ எனத் தெரிவித்துள்ளார்.
காசிரங்கா பூங்காவில் காண்டாமிருகங்கள் உள்ள 864 சதுர கிலோமீட்டர் பரப்பளவு பகுதியில் மார்ச் 25-28 வரை இந்தக் கணக்கெடுப்பு நடத்தப்பட்டது.