நாட்டில் பெட்ரோல் விலை லிட்டருக்கு 80 காசுகள், டீசல் விலை லிட்டருக்கு 70 காசுகள் செவ்வாய்க்கிழமை அதிகரிக்கப்பட்டது.
பெட்ரோல், டீசல் விலையை எரிபொருள் விற்பனை நிறுவனங்கள் தினந்தோறும் அதிகரித்து வருகின்றன. அவற்றின் விலை செவ்வாய்க்கிழமையும் அதிகரிக்கப்பட்டதைத் தொடா்ந்து, ஒரு லிட்டா் பெட்ரோல் விலை மும்பையில் ரூ.115.04, கொல்கத்தாவில் ரூ.109.68, சென்னையில் ரூ.105.94, தில்லியில் ரூ.100.21-ஆக அதிகரித்துள்ளது.
ஒரு லிட்டா் டீசல் விலை மும்பையில் ரூ.99.25, சென்னையில் ரூ.96, கொல்கத்தாவில் ரூ.94.62, தில்லியில் ரூ.91.47-ஆக உயா்ந்துள்ளது.