Enable Javscript for better performance
கர்நாடக அமைச்சரவையில் மாற்றம்? அமித் ஷா இன்று ஆலோசனை- Dinamani

உடனுக்கு உடன் செய்திகள்

    முகப்பு இந்தியா

    கர்நாடக அமைச்சரவையில் மாற்றம்? அமித் ஷா இன்று ஆலோசனை

    By DIN  |   Published On : 03rd May 2022 11:27 AM  |   Last Updated : 03rd May 2022 11:27 AM  |  அ+அ அ-  |  

    Amit Shah

    மத்திய உள்துறை அமைச்சர் அமித் ஷா(கோப்புப்படம்)

    கர்நாடக அமைச்சரவையில் மாற்றம் செய்வது குறித்து மத்திய உள்துறை அமைச்சர் அமித் ஷா இன்று ஆலோசனை நடத்தவுள்ளதாக தகவல் வெளியாகியுள்ளது.

    கர்நாடக மாநிலத்தின் முதல்வராக பசவராஜ் பொம்மை பதவியேற்றி ஓராண்டு முடிவதற்குள், ஹிஜாப் பிரச்னை, ஒப்பந்த ஊழியர் தற்கொலை விவகாரம் என பல்வேறு சம்பவங்களால் மாநிலம் முழுவதும் பதற்றமான சூழல் நிலவுகிறது.

    அடுத்தாண்டு சட்டப்பேரவைத் தேர்தல் நடைபெறவுள்ள நிலையில், அதற்குள் இந்த பிரச்னைகளுக்கு தீர்வு காண பாஜக தலைமை முனைப்பு காட்டி வருகின்றன.

    மேலும், கர்நாடக மாநில முதல்வர் இன்னும் இரண்டு வாரங்களில் மாற்றப்படுவார் எனவும் அமைச்சரவை மாற்றம் செய்யப்படவுள்ளதாகவும் தொடர்ந்து தகவல்கள் பரவி வருகின்றன.

    இந்நிலையில், கர்நாடக மாநிலத்தில் பல்வேறு அரசு நிகழ்வில் பங்கேற்பதற்காக பெங்களூருவுக்கு இன்று அமித் ஷா பயணம் மேற்கொண்டுள்ளார். விமான நிலையத்திற்கு சென்று முதல்வர் பசவராஜ் பொம்மை மற்றும் மத்திய அமைச்சர் பிரஹலாத் ஜோஷி உள்ளிட்டோர் அமித் ஷாவை வரவேற்றனர்.

    அரசு நிகழ்ச்சிகளை தொடர்ந்து, இன்று மாலை 5 மணியளவில் மாநில பாஜக தலைமை அலுவலகத்திற்கு செல்லும் அமித் ஷா, முக்கிய தலைவர்களுடன் அமைச்சரவை மாற்றம் குறித்து ஆலோசனையில் ஈடுபடவுள்ளதாக தகவல் வெளியாகியுள்ளன.

    கர்நாடக மாநிலத்தில் ஏற்பட்டிருக்கும் பல்வேறு பிரச்னைகளுக்கு மத்தியில் அமித் ஷாவின் பயணம் மாநில அரசியலில் முக்கியத்துவம் வாய்ந்ததாக கருதப்படுகிறது.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp