Enable Javscript for better performance
பத்ம விருதுகள் 2023-க்கான விண்ணப்பங்கள் வரவேற்கப்படுகின்றன- Dinamani

உடனுக்கு உடன் செய்திகள்

    பத்ம விருதுகள் 2023-க்கான விண்ணப்பங்கள் வரவேற்கப்படுகின்றன

    By DIN  |   Published On : 05th May 2022 05:51 PM  |   Last Updated : 05th May 2022 05:51 PM  |  அ+அ அ-  |  

    padma-award

    பத்ம விருதுகள் 2023-க்கான விண்ணப்பங்கள் வரவேற்கப்படுகின்றன

    புது தில்லி: 2023 குடியரசு நாள் விழாவில் அறிவிக்கப்பட உள்ள பத்ம விருதுகள் 2023-க்கான இணையவழி விண்ணப்பங்கள் / பரிந்துரைகள் 2022 மே 01 முதல் ஏற்கப்படுகின்றன. இதற்கான கடைசி நாள் 2022 செப்டம்பர் 15 ஆகும். 

    பத்ம விருதுகள் 2023-க்கான இணையவழி விண்ணப்பங்கள் / பரிந்துரைகள் தேசிய விருதுகளுக்கான   https://awards.gov.in என்ற இணையப் பக்கத்தில் மட்டுமே ஏற்கப்படும். 

    நாட்டின் மிக உயரிய சிவில் விருதுகளாக பத்மவிபூஷன். பத்ம பூஷன், பத்மஸ்ரீ விருதுகள் வழங்கப்படுகின்றன. 1954 ஆம் ஆண்டு நிறுவப்பட்டஇந்த விருதுகள் ஒவ்வொரு ஆண்டும் குடியரசு நாள் விழா நாளில் அறிவிக்கப்படுகின்றன. கலை, இலக்கியம், கல்வி, விளையாட்டு, மருத்துவம், சமூக சேவை, அறிவியல், பொறியியல், பொது விஷயங்கள், சிவில் சேவைகள், வர்த்தகம், தொழில்துறை போன்ற அனைத்து துறைகளில் சிறப்புமிக்க பணியாற்றியவர்கள், சாதனை புரிந்தவர்கள், சேவை செய்தவர்களை அங்கீகரிக்கும் விதமாக பத்ம விருதுகள் வழங்கப்படுகின்றன. இனம், தொழில், பதவி நிலை, பாலினம் என எந்த பாகுபாடுமில்லாமல் விருதுகள் வழங்கப்படுகின்றன. மருத்துவர்கள், விஞ்ஞானிகள் தவிர பொதுத்துறை நிறுவனங்களில் பணியாற்றுவோர் உள்ளிட்ட அரசு ஊழியர்கள், பத்ம விருதுகள் பெற தகுதி இல்லாதவர்கள். 

    பத்ம விருதுகளை மக்களின் பத்ம என்று மாற்றம் செய்வதில் அரசு உறுதிபூண்டுள்ளது. எனவே, அனைத்து குடிமக்களில் எவரும் தாங்களாகவே விண்ணப்பிக்கலாம் அல்லது மற்றவர்களை பரிந்துரை செய்யலாம்.

    சமூகத்திற்கு தன்னலமின்றி சேவை செய்யும் பெண்கள், நலிந்தபிரிவினர், எஸ்சி / எஸ்டி வகுப்பினர் மாற்றுத்திறனாளிகள் உள்ளிட்டவர்களை பரிந்துரை செய்ய அனைத்து மத்திய அமைச்சகங்கள் / துறைகள், மாநில / யூனியன் பிரதேச அரசுகள், பாரத ரத்னா, பத்மவிபூஷன், விருதுபெற்றவர்கள் முயற்சிகளை மேற்கொள்ள வேண்டும் என்று மத்திய உள்துறை அமைச்சகம் கேட்டுக் கொண்டுள்ளது.

    மேலும் விவரங்களுக்கு மத்திய உள்துறை அமைச்சகத்தின் இணையதளத்தில் ( https://mha.gov.in ) ‘விருதுகள்’ மற்றும் ‘பதக்கங்கள்’ என்ற தலைப்பில் காணலாம். பத்ம விருதுகள் இணையப் பக்கத்திலும், ( https://padmaawards.gov.in ) விவரங்களை அறியலாம். பத்ம விருதுகள் பற்றிய விதிமுறைகளை அறிந்து கொள்ள https://padmaawards.gov.in/AboutAwards.aspx  என்ற இணையப் பக்கத்தில் காணலாம்
     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp