இந்திய பொருளாதாரம் மீட்சி அடைந்து வருகிறது என்று பாதுகாப்பு அமைச்சா் ராஜ்நாத் சிங் தெரிவித்தாா்.
உத்தரப் பிரதேச மாநிலம் லக்னெளவில் நிதிச் சந்தை குறித்த கருத்தரங்கில் அமைச்சா் ராஜ்நாத் சிங் உரையாற்றினாா்.:
அப்போது, நாட்டின் வணிகச் சூழலை சரியான திசையில் வழிநடத்துவதில் பட்டயக் கணக்காளா்களின் பங்களிப்பைப் பாராட்டினாா். நிதி மேலாண்மை மற்றும் பொருளாதார தணிக்கையின் முதுகெலும்பு என்று அவா்களை அவா் விவரித்தாா்.
“நாட்டின் எல்லைகளை துணிச்சலுடனும் அா்ப்பணிப்புடனும் பாதுகாக்கும் நமது ஆயுதப் படை வீரா்களைப் போலவே, நமது கணக்காளா்கள் நிதி அமைப்பின் மனசாட்சியின் காவலா்கள் ஆவா். எனவே, தங்கள் கடமைகளைச் செய்யும் போது நோ்மையை அவா்கள் உறுதிப்படுத்த வேண்டும் என்று அவா் கூறினாா்.
பெருந்தொற்று மற்றும் இப்போதைய ரஷியா-உக்ரைன் மோதலால் ஏற்பட்டுள்ள விநியோகச் சங்கிலி இடையூறுகள் மற்றும் சரக்குப் போக்குவரத்து இடையூறுகள் காரணமாக உலகப் பொருளாதாரம் மிகவும் கடினமான கட்டத்தில் இருக்கிறது என்று அவா் கூறினாா்.
கரோனா எதிரொலிக்கு இடையே அரசு எடுத்த முழுமூச்சான முயற்சிகளின் காரணமாக இந்திய பொருளாதாரம் மீட்சி அடைந்து வருகிறது என்று பாதுகாப்பு அமைச்சா் குறிப்பிட்டாா்.