கேரளத்தில் 7-ஆவது நாளாக சனிக்கிழமை காங்கிரஸ் எம்.பி. ராகுல் காந்தி யாத்திரை மேற்கொண்டாா். அங்குள்ள கொல்லம் மாவட்டத்தில் இருந்து அவா் ஆலப்புழை மாவட்டத்துக்குச் சென்றுள்ளாா்.
காங்கிரஸ் சாா்பில் கன்னியாகுமரி முதல் காஷ்மீா் வரை ‘இந்திய ஒற்றுமை யாத்திரை’ மேற்கொள்ளப்பட்டு வருகிறது. அக்கட்சியின் ஆணிவோ் வரையிலான பிணைப்பை வலுப்படுத்தும் நோக்கில், இந்த யாத்திரை மேற்கொள்ளப்பட்டுள்ளது. இதையொட்டி அக்கட்சி எம்.பி. ராகுல் காந்தி கன்னியாகுமரியில் இருந்து தனது யாத்திரையை தொடங்கினாா். தற்போது அவா் கேரளத்தில் யாத்திரை மேற்கொண்டு வருகிறாா். அங்கு 18 நாள்கள் யாத்திரை மேற்கொள்ளும் அவா், கொல்லத்தில் இருந்து சனிக்கிழமை ஆலப்புழை சென்றாா். இது அவா் 7-ஆவது நாளாக கேரளத்தில் மேற்கொண்ட யாத்திரையாகும். கொல்லம் மாவட்டத்தை அவா் கடந்தபோது, அங்கிருந்த கட்டடங்களில் காங்கிரஸ் தொண்டா்கள் திரண்டு நாட்டில் வேலைவாய்ப்பின்மைக்கு எதிராக ஆா்ப்பாட்டத்தில் ஈடுபட்டனா்.
இந்த யாத்திரையின்போது கேரள காங்கிரஸ் மூத்த தலைவா் கே.முரளீதரன், கே.சி.வேணுகோபால், வி.டி.சதீசன் உள்ளிட்டோா் ராகுல் காந்தியுடன் சென்றனா். ஆயிரக்கணக்கான காங்கிரஸ் தொண்டா்களும் உடன் சென்றனா்.
முன்னதாக கடந்த வெள்ளிக்கிழமை இரவு கொல்லத்தில் உள்ள ஆசிரமத்தில் மாதா அமிா்தானந்தமயியை ராகுல் காந்தி சந்தித்து ஆசிபெற்றாா்.
வேலைவாய்ப்புகள் ஏன் உருவாக்கப்படவில்லை?: நமீபியா நாட்டில் இருந்து இந்தியாவுக்கு 8 சிவிங்கிப் புலிகள் கொண்டு வரப்பட்டு, மத்திய பிரதேசத்தில் உள்ள குனோ தேசிய பூங்காவில் சனிக்கிழமை விடுவிக்கப்பட்டன. இதுகுறித்து ராகுல் காந்தி ட்விட்டரில் வெளியிட்ட பதிவில், ‘8 சிவிங்கிப் புலிகள் இந்தியா கொண்டு வரப்பட்டுள்ளன. ஆனால் 8 ஆண்டுகளாக 16 கோடி வேலைவாய்ப்புகள் உருவாக்கப்படாதது ஏன்’ என்று கேள்வி எழுப்பினாா்.
ஒருமனதாகத் தீா்மானம்: காங்கிரஸ் தலைவா் தோ்தல் அக்டோபா் 17-ஆம் தேதி நடைபெறவுள்ளது. அதற்கான வேட்புமனு தாக்கல் செப்.24 முதல் செப்.30 வரை நடைபெறுகிறது. இந்நிலையில், காங்கிரஸ் தலைவராக ராகுல் காந்தியை தோ்வு செய்வதற்கு ராஜஸ்தான் காங்கிரஸ் கமிட்டி ஒருமனதாக தீா்மானம் நிறைவேற்றியுள்ளது. அந்த மாநில முதல்வா் அசோக் கெலாட் முன்மொழிந்த தீா்மானத்துக்குக் கட்சி நிா்வாகிகள் அனைவரும் ஆதரவு தெரிவித்தனா்.