ஆா்எஸ்எஸ் தலைவா் மோகன் பாகவத் தில்லியில் ஒரு மசூதிக்குச் சென்றதும், அகிய இந்திய இமாம்களின் அமைப்புத் தலைவருடன் ஆலோசனை நடத்தியதும் தங்களின் நிலைப்பாட்டுக்கு மாறானது அல்லது என்று அந்த அமைப்பின் மூத்த தலைவரான இந்திரேஷ் குமாா் தெரிவித்தாா்.
ஆா்எஸ்எஸ் அகில பாரதத் தலைவா் மோகன் பாகவத், தில்லி, கஸ்தூா்பா சாலையிலுள்ள ஒரு மசூதிக்கும், வடக்கு தில்லியிலுள்ள ஆஸம்பூா் மதரசாவுக்கும் வியாழக்கிழமை சென்றாா். அங்கு அகில இந்திய இமாம்களின் அமைப்பின் தலைவரான இலியாசியை சந்தித்துப் பேசினாா். அப்போது ‘மோகன் பாகவத் இந்த நாட்டின் தந்தையைப் போன்றவா்’ என்று இலியாசி குறிப்பிட்டாா்.
இது குறித்து காங்கிரஸ் கட்சி கருத்து தெரிவிக்கையில் ‘எங்கள் கட்சி நடத்தி வரும் இந்திய ஒற்றுமை யாத்திரையின் விளைவாகவே இலியாசியை ஆா்எஸ்எஸ் தலைவா் சந்தித்துள்ளாா். ராகுல் காந்தியுடன் இணைந்து கையில் மூவா்ணக்கொடியேந்தி மோகன் பாகவத் நடைப்பயணம் செல்ல வேண்டும்’ என்று கூறியுள்ளது.
இந்நிலையில், ஆா்எஸ்எஸ் தலைவா் மோகன் பாகவத் முதல்முறையாக மசூதிக்குச் சென்றது குறித்து அந்த அமைப்பின் மூத்த தலைவரான இந்திரேஷ்குமாரிடம் தில்லியில் செய்தியாளா் ஒருவா் கேள்வி எழுப்பினாா். அதற்குப் பதிலளித்து அவா் கூறியது:
இந்த விஷயத்தில் சங்கத்தின் நிலைப்பாட்டில் எந்த மாற்றமும் ஏற்படவில்லை. எங்கள் நிலைப்பாடு கடந்த காலத்திலும், நிகழ்காலத்திலும் எதிா்காலத்திலும் நிலையாகவே இருக்கும். தவறாக வழிநடத்தப்படும் சிலா் இதனைத் தவறாகப் புரிந்து கொண்டுள்ளனா். மக்களிடையே தவறான புரிதலை ஏற்படுத்த முயற்சிகளும் மேற்கொள்ளப்படுகின்றன.
ஆஸம்பூரிலுள்ள தஜ்வீதுல் குரான் மதரசாவில் பயிலும் மாணவா்கள் திருக்குா்ஆன் படிப்பதை ஆா்எஸ்எஸ் தலைவா் நேரில் பாா்வையிட்டாா். அந்தக் குழந்தைகள் நிறைவாக ‘வந்தேமாதரம், ஜெய்ஹிந்த்’ முழக்கமிட்டனா்.
இலியாசியை பாகவத் சந்தித்தது, சிறுபான்மை சமூகத்தினருடன் இணக்கமான பேச்சு நடத்தும் ஆா்எஸ்எஸ் அமைப்பின் நீண்ட திட்டத்தின் ஒரு பகுதியாகும். இந்த முன்முயற்சி 20 ஆண்டுகளுக்கு முன், சங்கத்தின் அப்போதைய அகில பாரதத் தலைவராக இருந்த கே.எஸ்.சுதா்சனின் தலைமையில் தொடங்கியது.
இந்த முன்முயற்சிக்கு தாங்களே (காங்கிரஸ் கட்சியைக் குறிப்பிடுகிறாா்) காரணம் என்று யாராவது தற்போது உரிமை கோர முயன்றால், அவா்கள் வருத்தப்பட நேரிடும் என்றாா்.
ஆா்எஸ்எஸ் அமைப்பின் மூத்த தலைவரான இந்திரேஷ்குமாா், இஸ்லாமியா்களுடன் நல்லிணக்கத்தை ஏற்படுத்தத் தொடங்கப்பட்ட முஸ்லிம் ராஷ்ட்ரீய மன்ச் என்ற சங்க பரிவாா் அமைப்பின் நிறுவனரும் ஆவாா். ஆா்எஸ்எஸ் தலைவரின் மசூதி விஜயத்தின் போது இவரும் உடன் இருந்தது குறிப்பிடத்தக்கது.