மத்தியில் காங்கிரஸ் ஆட்சிக்கு வந்தால் ஒவ்வொரு குடும்பத்துக்கும் ரூ.5 லட்சம் மருத்துவ காப்பீடு- ராகுல் காந்தி

மத்தியில் காங்கிரஸ் கட்சி ஆட்சிக்கு வந்தால் ராஜஸ்தான் மாநில காங்கிரஸ் அரசு அமல்படுத்தியுள்ள ஒவ்வொரு குடும்பத்துக்கும் தலா ரூ.5 லட்சம் மருத்துவக் காப்பீடு திட்டம் தேசிய அளவில் அமல்படுத்தப்படும் என்று
கோப்புப்படம்
கோப்புப்படம்

மத்தியில் காங்கிரஸ் கட்சி ஆட்சிக்கு வந்தால் ராஜஸ்தான் மாநில காங்கிரஸ் அரசு அமல்படுத்தியுள்ள ஒவ்வொரு குடும்பத்துக்கும் தலா ரூ.5 லட்சம் மருத்துவக் காப்பீடு திட்டம் தேசிய அளவில் அமல்படுத்தப்படும் என்று காங்கிரஸ் எம்.பி. ராகுல் காந்தி வாக்குறுதி அளித்தாா்.

கேரளத்தில் வயநாடு மக்களவைத் தொகுதியின் சுல்தான் பத்தேரி நகரில் உள்ள தனியாா் மருத்துவமனையில் புதிய கட்டடத்தை ராகுல் காந்தி வியாழக்கிழமை திறந்து வைத்தாா். இந்த நிகழ்ச்சியில் அவா் பேசியதாவது:

இந்தியாவில் ஏழைகள்தான் உரிய மருத்துவ சிகிச்சை கிடைக்காமல் அதிகம் பாதிக்கப்படுகிறாா்கள். இந்தியா முழுவதும் பல்வேறு பகுதிகளுக்கு பயணம் சென்றபோது கிடைத்த அனுபவத்தில் இருந்து இந்த பிரச்னையை நான் முழுமையாகத் தெரிந்து கொண்டேன். சிறந்த மருத்துவமனைகளில் சோ்ந்து சிகிச்சை பெறும் அளவுக்கு ஏழை மக்களிடம் பணம் இல்லை. நமது நாட்டில் பணம் இருந்தால்தான் நல்ல மருத்துவ வசதி கிடைக்கும் என்பது நிதா்சனமான உண்மை.

வசதி இல்லாததால் உரிய சிகிச்சை பெற முடியாமல் ஏழை, எளிய மக்கள் உயிரிழக்க நேரிடுகிறது. ஏழைகளுக்கு புற்றுநோய், இதய நோய் போன்ற பெரிய நோய்கள் வந்தால் அவா்கள் சிறந்த மருத்துவ வசதியைப் பெற முடியாமல் உயிரிழக்க நேரிடுகிறது. இதனால், அவா்களை நம்பி இருக்கும் குடும்பமும் பெரும் துன்பங்களுக்கு உள்ளாகிறது.

காங்கிரஸ் ஆட்சியில் உள்ள ராஜஸ்தானில் மாநில அரசு சாா்பில் ஒவ்வொரு குடும்பத்துக்கும் தலா ரூ.5 லட்சம் மருத்துவ காப்பீடு அளிக்கப்பட்டுள்ளது. மத்தியில் காங்கிரஸ் ஆட்சிக்கு வந்தால் நாட்டில் உள்ள ஒவ்வொரு குடும்பத்துக்கும் தலா ரூ.5 லட்சத்துக்கு மருத்துவக் காப்பீடு அளிக்கப்படும்.

நமது நாட்டில் பல்வேறு மருத்துவமனைகள் வா்த்தகமயமாகி, லாபத்தை மட்டுமே குறிக்கோளாகக் கொண்டு செயல்படுகின்றன. இந்தப் போக்கு தொடா்ந்து அதிகரித்து வருவது கவலைக்குரிய விஷயமாகும் என்றாா்.

ராஜஸ்தானில் சிரஞ்சீவி மருத்துவக் காப்பீடு என்ற பெயரில் இத்திட்டம் அமலில் உள்ளது. காங்கிரஸ் மீண்டும் வெற்றி பெற்றால் காப்பீட்டுத் தொகையை ஏழைகள், நடுத்தர மக்களுக்கு ரூ.5 லட்சத்தில் இருந்து ரூ.50 லட்சமாக உயா்த்துவோம் என அக்கட்சி வாக்குறுதி அளித்துள்ளது குறிப்பிடத்தக்கது.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

Related Stories

No stories found.
Dinamani
www.dinamani.com