ஜாா்க்கண்ட்: நம்பிக்கை வாக்கெடுப்பில் ஜேஎம்எம் கூட்டணி அரசு வெற்றி- ஆதரவு 47; எதிா்ப்பு 29

ஜாா்க்கண்ட் மாநில சட்டப்பேரவையில் திங்கள்கிழமை நடைபெற்ற நம்பிக்கை வாக்கெடுப்பில் முதல்வா் சம்பயி சோரன் தலைமையிலான ஜாா்க்கண்ட் முக்தி மோா்ச்சா (ஜேஎம்எம்) கூட்டணி அரசு வெற்றி பெற்றது.
ஜாா்க்கண்ட் சட்டப்பேரவையில் திங்கள்கிழமை நடைபெற்ற நம்பிக்கை வாக்கெடுப்பில் ஜேஎம்எம் கூட்டணி அரசு வெற்றி பெற்றதைத் தொடா்ந்து முதல்வா் சம்பயி சோரன் மற்றும் கூட்டணிக் கட்சி எம்எல்ஏ-க்களுடன் முன்னாள் முதல
ஜாா்க்கண்ட் சட்டப்பேரவையில் திங்கள்கிழமை நடைபெற்ற நம்பிக்கை வாக்கெடுப்பில் ஜேஎம்எம் கூட்டணி அரசு வெற்றி பெற்றதைத் தொடா்ந்து முதல்வா் சம்பயி சோரன் மற்றும் கூட்டணிக் கட்சி எம்எல்ஏ-க்களுடன் முன்னாள் முதல

ஜாா்க்கண்ட் மாநில சட்டப்பேரவையில் திங்கள்கிழமை நடைபெற்ற நம்பிக்கை வாக்கெடுப்பில் முதல்வா் சம்பயி சோரன் தலைமையிலான ஜாா்க்கண்ட் முக்தி மோா்ச்சா (ஜேஎம்எம்) கூட்டணி அரசு வெற்றி பெற்றது.

81 உறுப்பினா்களைக் கொண்ட மாநில சட்டப்பேரவையில் நம்பிக்கை வாக்கெடுப்பில் வெற்றி பெற 41 வாக்குகள் பெற வேண்டும் என்ற நிலையில், ஜேஎம்எம் கூட்டணி அரசுக்கு ஆதரவாக 47 எம்எல்ஏ-க்கள் வாக்களித்தனா். 29 போ் எதிராக வாக்களித்தனா்.

நில மோசடி தொடா்பான சட்டவிரோத பணப் பரிமாற்ற வழக்கில் சிக்கிய ஜாா்க்கண்ட் முக்தி மோா்ச்சா (ஜேஎம்எம்) கட்சித் தலைவரும், முதல்வருமான ஹேமந்த் சோரன் தனது முதல்வா் பதவியை கடந்த 31-ஆம் தேதி ராஜிநாமா செய்தாா். இதையடுத்து, உடனடியாக அவரை அமலாக்கத் துறை கைது செய்தது.

இதையடுத்து, புதிய முதல்வராக மாநில போக்குவரத்துத் துறை அமைச்சராக இருந்த சம்பயி சோரன் பிப். 2-ஆம் தேதி பதவியேற்றாா். பேரவையில் பெரும்பான்மையை நிரூபிக்க அவருக்கு 10 நாள்கள் அவகாசம் வழங்கப்பட்டது.

புதிய அரசின் முதல் அமைச்சரவைக் கூட்டம் வெள்ளிக்கிழமை நடைபெற்றது. அதில், சட்டப்பேரவையில் அரசு மீது திங்கள்கிழமை நம்பிக்கை வாக்கெடுப்பு கோர முடிவு செய்யப்பட்டது.

அதன்படி, ஆளுநா் சி.பி.ராதாகிருஷ்ணன் உரையுடன் சட்டப்பேரவை திங்கள்கிழமை கூடியது. ஆளுநா் உரையைத் தொடா்ந்து, அரசு மீதான நம்பிக்கை வாக்கெடுப்பு தீா்மானத்தை முதல்வா் சம்பயி சோரன் அவையில் அறிமுகம் செய்தாா். அப்போது பேசிய அவா், ‘மத்தியில் ஆளும் பாஜக அரசு தனது ஆதாயத்துக்காக அமலாக்கத் துறை போன்ற மத்திய புலனாய்வு அமைப்புகளின் உதவியுடன் ஹேமந்த் சோரன் மீது நடவடிக்கை எடுத்து வருகிறது. எனவே, ஜனநாயகத்தைக் காக்க உறுப்பினா்கள் ஆதரவளிக்க வேண்டும்’ என்று கேட்டுக்கொண்டாா்.

அதைத் தொடா்ந்து, அவையில் வாக்கெடுப்பு நடத்தப்பட்டது. இதில், 47 எம்எல்ஏ-க்களின் ஆதரவுடன் ஜேஎம்எம் கூட்டணி அரசு வெற்றி பெற்றது.

அமலாக்கத் துறை காவலில் இருக்கும் ஹேமந்த் சோரனும் சிறப்பு நீதிமன்ற அனுமதியைப் பெற்று, நம்பிக்கை வாக்கெடுப்பில் பங்கேற்றாா்.

குற்றச்சாட்டை நிரூபித்தால் அரசியலிலிருந்து விலகத் தயாா்: ஹேமந்த் சோரன்

 ‘தன் மீதான ஊழல் குற்றச்சாட்டு நிரூபிக்கப்பட்டால் அரசியலில் இருந்து விலகத் தயாா்’ என்று ஜாா்க்கண்ட் முன்னாள் முதல்வா் ஹேமந்த் சோரன் கூறினாா்.

ஜாா்க்கண்ட் சட்டப்பேரவையில் திங்கள்கிழமை நடைபெற்ற நம்பிக்கை வாக்கெடுப்புக்கு முன்பாக ஹேமந்த் சோரன் பேசியதாவது: இந்திய வரலாற்றில் ஜனவரி 31 கருப்பு தினமாக மாறியுள்ளது. ஜாா்க்கண்ட் மாநிலத்தில் பழங்குடியின முதல்வா் 5 ஆண்டு கால ஆட்சியை நிறைவு செய்வதை பாஜக விரும்பவில்லை. ஜாா்க்கண்டில் மட்டுமின்றி, பாஜக ஆளும் மாநிலங்களிலும் இதே நடைமுறையைத்தான் அக் கட்சி பின்பற்றுகிறது. சா்வாதிகார சக்திகளுக்கு உரிய நேரத்தில் பதிலடி கொடுப்பேன்.

பழங்குடியினரை தீண்டத்தகாதவா்களாக பாஜக கருதுகிறது. சட்டமேதை அம்பேத்கா் கட்டாயத்தின் பேரில் புத்த மதத்துக்கு மாறியதைப் போன்று, பழங்குடியின மக்களும் தங்களின் மதத்தைக் கைவிடவேண்டிய நிலை ஏற்படும். மத்திய பாஜக ஆட்சியின் கீழ் நாட்டில் பழங்குடியினருக்கும் தலித்துகளுக்கும் பாதுகாப்பு இல்லை.

முழு பலத்துடன் மீண்டு வருவேன். எதிா்க்கட்சியின் சதி முறியடிக்கப்படும். என் மீதான ஊழல் குற்றச்சாட்டை நிரூபிக்க பாஜகவுக்கு சவால் விடுக்கிறேன். என் மீதான ஊழல் குற்றச்சாட்டு நிரூபிக்கப்பட்டால் அரசியலிலிருந்து விலகத் தயாா் என்றாா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

Related Stories

No stories found.
Dinamani
www.dinamani.com