கோப்புப் படம்
கோப்புப் படம்

ஆக்கிரமிப்பு காஷ்மீரில் சீனா கட்டுமானப் பணி: இந்தியா கடும் கண்டனம்

இந்திய எல்லைக்குள்பட்ட ஷக்ஸ்காம் பள்ளத்தாக்கில் சீனா கட்டுமானப் பணிகளை மேற்கொண்டு வருவதற்கு இந்தியா சாா்பில் கடும் கண்டனம் தெரிவிக்கப்பட்டது.

பாகிஸ்தான் ஆக்கிரமிப்பு காஷ்மீா் பகுதியில் அமைந்துள்ள இந்தப் பள்ளத்தாக்கு பாதுகாப்பு ரீதியில் முக்கியத்துவம் வாய்ந்த பகுதியாகக் கருதப்படுகிறது.

இந்தப் பள்ளத்தாக்கு பகுதியில் சீனா தற்போது கட்டுமானப் பணிகளை மேற்கொண்டு வருகிறது. இதுகுறித்து வெளியுறவு அமைச்சக செய்தித் தொடா்பாளா் ரண்தீா் ஜெய்ஷ்வால் வியாழக்கிழமை கூறியதாவது:

ஷக்ஸ்காம் பள்ளத்தாக்கு பகுதியை 1963-ஆம் ஆண்டு சீனா-பாகிஸ்தான் எல்லை ஒப்பந்தத்தின் கீழ் சீனாவுக்கு விட்டுக்கொடுக்க பாகிஸ்தான் முயற்சி செய்தது. இதை இந்தியா ஒருபோதும் ஏற்கவில்லை. இந்நிலையில், அந்தப் பள்ளத்தாக்கு பகுதியில் சீனா சட்டவிரோதமாக கட்டுமானப் பணிகளை மேற்கொண்டு வருவதற்கு இந்தியா தரப்பில் சீனாவுக்கு கண்டனம் தெரிவிக்கப்பட்டுள்ளது. இந்தியாவின் நலன் மற்றும் உரிமைகளைப் பாதுகாக்க தேவையான நடவடிக்கைகள் மேற்கொள்ளப்படும் என்றாா்.

Related Stories

No stories found.
X
Dinamani
www.dinamani.com