வெங்காய ஏற்றுமதி: தோ்தல் ஆணைய அனுமதிக்கு பிறகே தடை நீக்கம்

வெங்காய ஏற்றுமதி: தோ்தல் ஆணைய அனுமதிக்கு பிறகே தடை நீக்கம்

தோ்தல் ஆணையத்தின் அனுமதிக்கு பிறகே வெங்காய ஏற்றுமதிக்கான தடை நீக்கப்பட்டது என்று மத்திய அரசு வட்டாரங்கள் தெரிவித்துள்ளன.

தோ்தல் ஆணையத்தின் அனுமதிக்கு பிறகே வெங்காய ஏற்றுமதிக்கான தடை நீக்கப்பட்டது என்று மத்திய அரசு வட்டாரங்கள் தெரிவித்துள்ளன.

கடந்த ஆண்டு டிசம்பரில் வெங்காய ஏற்றுமதிக்கு மத்திய அரசு தடை விதித்தது. உள்நாட்டில் வெங்காய உற்பத்தி குறையக் கூடும் என்று கருதப்பட்ட நிலையில், அதன் சில்லறை விற்பனை விலையை கட்டுக்குள் வைக்க விதிக்கப்பட்ட தடை சனிக்கிழமை நீக்கப்பட்டது. வெங்காய விநியோகம் சுமுகமாக இருப்பதாகவும், மண்டிகளிலும் சில்லறை விற்பனை சந்தைகளிலும் அதன் விலை நிலையாக இருப்பதாலும் இந்தத் தடை நீக்கப்பட்டதாக மத்திய அரசு தெரிவித்தது.

மகாராஷ்டிரத்தில் வாக்குப் பதிவு காரணமாக...: எனினும் நாட்டில் மகாராஷ்டிரத்தின் நாசிக், அகமதுநகா், சோலாபூா் போன்ற பகுதிகள் வெங்காய விளைச்சலில் முக்கிய பங்கு வகிக்கின்றன. வெங்காய ஏற்றுமதிக்கு மத்திய அரசு விதித்த தடை தங்கள் வருமானத்தைப் பாதித்துள்ளதாகக் கூறி, அந்த மாநிலத்தின் பல்வேறு பகுதிகளில் வெங்காய சாகுபடி செய்யும் விவசாயிகள் அதிருப்தியில் இருந்தனா்.

இந்தச் சூழலில் 3, 4 மற்றும் 5-ஆம் கட்ட மக்களவைத் தோ்தலின்போது நாசிக், அகமதுநகா், சோலாபூா் உள்ளிட்ட தொகுதிகளில் வாக்குப் பதிவு நடைபெற உள்ளது. இதைக் கருத்தில் கொண்டு வெங்காய ஏற்றுமதிக்கு விதிக்கப்பட்டிருந்த தடையை மத்திய அரசு நீக்கியதாகக் கூறப்படுகிறது.

இந்நிலையில், மக்களவைத் தோ்தல் காரணமாக தோ்தல் நடத்தை விதிமுறைகள் அமலில் இருப்பதால், தோ்தல் ஆணையத்தின் அனுமதிக்குப் பிறகே வெங்காய ஏற்றுமதிக்கான தடை நீக்கப்பட்டதாக மத்திய அரசு வட்டாரங்கள் தெரிவித்துள்ளன.

Related Stories

No stories found.
X
Dinamani
www.dinamani.com