குடியரசுத் தலைவர் பிரணாப் முகர்ஜி இம்மாதம் 26-ந் தேதி புதுச்சேரி ஜிப்மர் மருத்துவமனை விழாவில் கலந்து கொள்கிறார்.
இந்த விழாவில் கலந்து கொள்ள வரும் அவர் தில்லியில் இருந்து விமானப்படை விமானத்தில் 26-ந் தேதி காலை 11 மணிக்கு புறப்பட்டு பகல் 1.30 மணியளவில் சென்னை விமான நிலையம் வந்து சேருகிறார். பின்னர் சென்னை விமான நிலையத்தில் இருந்து ஹெலிகாப்டர் மூலம் புதுச்சேரிக்கு செல்கிறார். குடியரசுத் தலைவர் வருகையையொட்டி சென்னை விமான நிலையத்தில் 26-ந் தேதி இரவு வரை 5 அடுக்கு பாதுகாப்பு போடப்பட்டு உள்ளது. இந்நிலையில் சென்னை விமான நிலையத்தில் செய்யப்பட்டுள்ள பாதுகாப்பு ஏற்பாடுகளை நேற்று தில்லி சிறப்பு படையினர் சென்னை வந்து பார்வையிட்டனர்.