புதுக்கோட்டை மாவட்டம் விராலிமலை அடுத்துள்ள லஞ்சமேடு நான்கு வழிச்சாலையில் திங்கள் கிழமை இரவு இருசக்கர வாகனத்தில் சென்றவர் மீது கார் மோதியதில் முதியவர் உயிரிழந்தார்.
விராலிமலை அடுத்துள்ள கோவில்பட்டியைச் சேர்ந்தவர் பொன்னுச்சாமி மகன் சின்னப்பா(62) இவர் கோவில்பட்டியில் சைக்கிள் கடை நடத்தி வருகிறார்.
இவர் துக்கநிகழ்ச்சி ஒன்றில் கலந்து கொள்வதற்காக தனது இருசக்கர வாகனத்தில் மணப்பாறை சென்று விட்டு, மதுரை-திருச்சி சாலையில் உள்ள லஞ்சமேடு நான்கு வழிச்சாலையில் வந்து கொண்டிருந்த போது மதுரையிலிருந்து திருச்சி நோக்கி வந்து கொண்டிருந்த நான்கு சக்கரவாகனம்(கார்) கட்டுப்பாட்டை இழந்து சின்னப்பா மீது மோதியதில் அவர் பலத்த காயமடைந்தார். உடனடியாக அக்கம் பக்கத்தினர் அவரை மீட்டு திருச்சி அரசு மருத்துவ மனைக்கு அனுப்பி வைத்தனர்.
அங்கு சிகிச்சை பலனிற்றி சின்னப்பா உயிரிழந்தார். இதுகுறித்து விராலிமலை காவல் துணைஆய்வாளர் துரைராஜ் வழக்கு பதிந்து விசாரணை நடத்தி வருகிறார்.