சீனாவில் நர்சரி பள்ளியில் குண்டுவெடிப்பு: 7 பேர் பலி - 59 பேர் படுகாயம் 

பெய்ஜிங்:  சீனாவின் ஜியாங்சு மாகாணம், ஜுஜோ பகுதியில் உள்ள பிரபலமான நர்சரி பள்ளியில் இன்று மாலை சக்திவாய்ந்த வெடிகுண்டு வெடித்தது. 

இந்த சம்பவத்தில் 7 பேர் சம்பவ இடத்திலேயே உயிரிழந்ததாகவும், குழந்தைகள் உள்பட 59 பேர் காயமடைந்ததாகவும் முதற்கட்ட தகவல்கள் வெளியாகி உள்ளன. சம்பவ இடத்திற்கு அதிகாரிகள் விரைந்துள்ளனர்.

படுகாயம் அடைந்தவர்களை மீட்டு மருத்துவமனையில் அனுமதித்துள்ளனர். மேலும் இந்த தாக்குதல் குறித்து போலீஸார் தீவிர விசாரணை மேற்கொண்டுள்ளனர்.