அதிமுக தலைமை அலுவலகத்தில் அமைச்சர்களுடன் முதல்வர் ஆலோசனை

சென்னை:  சென்னையில் அதிமுக தலைமை அலுவலகத்தில் அமைச்சர்களுடன் முதல்வர் ஆலோசனை நடத்தி வருகிறார். ஆலோசனை கூட்டத்தில் அதிமுக எம்எல்ஏக்களும் பங்கேற்றுள்ளனர். 

சென்னை ராயப்பேட்டையில் உள்ள அதிமுக தலைமை அலுவலகத்தில் அமைச்சர்கள், எம்.எல்.ஏக்களுடன் முதல்வர் எடப்பாடி பழனிச்சாமி ஆலோசனை நடத்தி வருகிறார்.

இந்த ஆலோசனை கூட்டத்தில் அமைச்சர்கள் ஜெயக்குமார், செங்கோட்டையன், செல்லூர் ராஜூ, ஆர்.பி.உதயகுமார் உள்ளிட்டோர் பங்கேற்றுள்ளனர். மேலும் அதிமுக எம்.எல்.ஏக்கள், கட்சியின் மூத்த நிர்வாகிகள், தினகரன் ஆதரவு எம்.எல்.ஏக்களும் இந்த ஆலோசனை கூட்டத்தில் கலந்துகொண்டுள்ளனர்.

தமிழக அரசின் தில்லி சிறப்பு பிரதிநிதி தளவாய் சுந்தரம் உள்ளிட்டோரும் ஆலோசனையில் பங்கேற்றுள்ளனர். கூட்டத்திற்கு பின்னர் முக்கிய அறிவிப்புகள் வெளியாகலாம் என எதிர்பார்க்கப்படுகிறது.