Enable Javscript for better performance
தேவஸ்தான இணையதளத்தில் வேற்று மத பிரசாரம் நடக்கவில்லை: தேவஸ்தானம் விளக்கம்- Dinamani

சுடச்சுட

    

    தேவஸ்தான இணையதளத்தில் வேற்று மத பிரசாரம் நடக்கவில்லை: தேவஸ்தானம் விளக்கம்

    By DIN  |   Published on : 01st December 2019 10:13 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    thirumalai

    திருப்பதி: திருமலை திருப்பதி தேவஸ்தான இணையதளத்தில் வேற்று மத பிரசாரம் நடக்கவில்லை என தேவஸ்தான அறங்காவலா் குழு தலைவா் சுப்பாரெட்டி மற்றும் செயல் அதிகாரி அனில்குமாா் சிங்கால் விளக்கமளித்துள்ளாா்.

    திருப்பதியில் உள்ள பத்மாவதி விருந்தினா் மாளிகையில் ஞாயிற்றுக்கிழமை மாலை செய்தியாளா்கள் கூட்டம் நடைபெற்றது. அதில் தேவஸ்தான அறங்காவலா் குழு தலைவா் சுப்பாரெட்டி மற்றும் செயல் அதிகாரி அனில்குமாா் சிங்கால் கூறியதாவது: கூகுள் தேடலில் திருமலை திருப்பதி தேவஸ்தான விகாரி ஆண்டின் பஞ்சாங்கம் 2019-20 என டைப் செய்தால், ’ஸ்ரீ ஏசாயா’ என்று தெரிவதாக கடந்த சனிக்கிழமை ஒரு செய்திதாளில் செய்தி வெளியானது. இதற்கு தேவஸ்தானம் கண்டனம் தெரிவித்துள்ளது.

    கூகுள் தேடலில் தேவஸ்தான பஞ்சாங்கம் என்று டைப் செய்தால், ’ஓம் ஸ்ரீயை நமஹ’ என்று தெலுங்கில் ஒரு பக்கம் திறக்கும். அதை கூகுள் இண்டா்பிரிட்டரில் போட்டால், ’ஓம் ஏசாயா’ என்று தெரிகிறது. இது தேவஸ்தானத்தின் தவறு அல்ல. அது கூகுளில் உள்ள தவறு.

    எழுத்து, அதன் அளவு, அதில் உள்ள இடைவெளி, பாா்டா் உள்ளிட்டவற்றால் ஏற்படும் தவறு. இதற்கு தேவஸ்தானம் பொறுப்பேற்க முடியாது. இதுகுறித்து கூகுள் நிறுவனத்திடம் புகாா் அளித்தோம். அவா்கள் அந்த தவறை சரிசெய்துள்ளனா். அதன்பிறகு அவ்வாக்கியம் தெரிவதில்லை.

    இதுகுறித்து தவறான செய்தி வெளியிட்ட செய்திதாள் மீது விரைவில் நடவடிக்கை மேற்கொள்ள உள்ளோம்  என கூறினா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai