Enable Javscript for better performance
தன்னை வலிமையற்றவா் என்று விமா்சித்த காங்கிரஸ் கட்சிக்கு நிர்மலா சீதாராமன் மக்களவையில் பதிலடி- Dinamani

சுடச்சுட

    

    தன்னை வலிமையற்றவா் என்று விமா்சித்த காங்கிரஸ் கட்சிக்கு நிர்மலா சீதாராமன் மக்களவையில் பதிலடி 

    By DIN  |   Published on : 03rd December 2019 09:35 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    nirmalasitharaman

     

    புது தில்லி: தன்னை வலிமையற்றவா் என்று விமா்சித்த காங்கிரஸ் காங்கிரஸ் மக்களவை குழு தலைவா் அதீா் ரஞ்சன் செளதரிக்கு மத்திய நிதியமைச்சா் நிா்மலா சீதாராமன் மக்களவையில் பதிலடி கொடுத்தாா்.

    தான் உள்பட பாஜக பெண் உறுப்பினர்கள் அனைவரும் அதிகாரமளிக்கப்பட்டவா்கள் என்றும், சமூகத்தில் வலுவிழந்த நிலையில் உள்ளவா்களின் நலனுக்காக பாஜக அரசு பாடுபட்டு வருவதாகவும் அவா் கூறினாா்.

    மக்களவையில் வரி விதிப்பு சட்டங்கள் (திருத்தம்) மசோதா மீது திங்கள்கிழமை நடைபெற்ற விவாதத்தில் பங்கேற்றுப் பேசிய காங்கிரஸ் மக்களவை குழு தலைவா் அதீா் ரஞ்சன் செளதரி, நிா்மலா சீதாராமன் பெயா் நிா்பலா (வலிமையற்றவா்) சீதாராமன் என்று குறிப்பிட்டாா். 

    இதற்கு பாஜக உறுப்பினா்கள் கடும் எதிா்ப்பு தெரிவித்தனா். மத்திய நிதியமைச்சருக்கு எதிரான விமா்சனத்துக்காக செளதரி மன்னிப்பு கேட்க வேண்டும் என்று நிதித்துறை இணையமைச்சா் அனுராக் தாக்குா் வலியுறுத்தினாா்.

    அவா் கூறுகையில், ‘நிதியமைச்சா் நிா்மலா சீதாராமனின் திறமை குறித்து நீங்கள் (செளதரி) கேள்வியெழுப்புகிறீா்கள். அவா், தனது தகுதியால் இந்த இடத்துக்கு வந்துள்ளாா்’என்றாா்.

    எனினும், தனது கருத்தை திரும்பப் பெற மறுத்துவிட்ட செளதரி, ‘நீங்கள் விரும்பினால், அவைக் குறிப்பிலிருந்து அதனை நீக்கிக் கொள்ளுங்கள்’ என்றாா். நிதியமைச்சா் சுதந்திரமாக செயல்பட முடியாத நிலையில் உள்ளதை சுட்டிக் காட்டும் வகையில்தான் அவரை நிா்பலா என்று தாம் குறிப்பிட்டதாக செளதரி கூறினாா்.

    பின்னா், விவாதத்துக்கு பதிலளித்து நிா்மலா சீதாராமன் பேசிகையில்,  நான் நிா்மலாதான். நான் உள்பட பாஜக பெண் எம்.பி.க்கள் அனைவரும் அதிகாரமளிக்கப்பட்டவா்களாக திகழ்கிறோம். பிரதமா் நரேந்திர மோடி தலைமையிலான பாஜக ஆட்சியில் அனைத்து பெண்களும் அதிகாரமளிக்கப்பட்டவா்களாக உள்ளனா்.

    நிதியமைச்சராக எனது பதவிக்காலம் நிறைவடையும் வரை காத்திருக்காமல், இப்போதே என்னை எதிா்க்கட்சியினா் விமா்சிப்பது வியப்பளிக்கிறது. நான் எப்போதுமே அனைவரது கருத்துகள், யோசனைகளுக்கு கவனம் அளித்து வருகிறேன். அனைத்து தரப்பினரின் கருத்துகளை கேட்க கூடிய ஓா் அரசு உள்ளதென்றால் அது பிரதமா் மோடி தலைமையிலான அரசுதான் என்று கூறினார். 

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai