சென்னை: சென்னையில் இன்று வியாழக்கிழமை (டிச.12) பெட்ரோல் லிட்டருக்கு 5 காசுகள் குறைந்தும், டீசல் 3வது நாளாக மாற்றமின்றி விற்பனையாகி வருகின்றது.
கடந்த 2017 ஆம் ஆண்டு ஜூன் 17 முதல் சர்வதேச விலை நிலவரத்துக்கு ஏற்ப பெட்ரோல் மற்றும் டீசல் விலையை நாள்தோறும் மாற்றியமைத்து விற்பனை செய்ய எண்ணெய் நிறுவனங்களுக்கு மத்திய அரசு அனுமதி அளித்தது. அதன்படி, நாள்தோறும் பெட்ரோல், டீசல் விலை நிர்ணயிக்கப்பட்டு விற்பனை செய்யப்பட்டு காலை 6 மணி முதல் புதிய பெட்ரோல் மற்றும் டீசல் விலை அமல்படுத்தப்பட்டு வருகிறது.
இந்நிலையில், எண்ணெய் நிறுவனங்கள் இன்று வெளியிட்டுள்ள அறிவிப்பில், சென்னையில் பெட்ரோல் லிட்டருக்கு 5 காசுகள் குறைந்து ஒரு லிட்டர் பெட்ரோல் ரூ.77.92 ஆகவும், டீசல் 3வது நாளாக மாற்றமின்றி, இன்று ஒரு லிட்டர் டீசல் ரூ.69.81 ஆகவும் விற்பனை செய்யப்படுகிறது. இந்த விலை இன்று காலை 6 மணி முதல் அமலுக்கு வந்தது.