புது தில்லி: தெற்கு தில்லியில் குடியுரிமைச் சட்டத்துக்கு எதிராக நடைபெற்ற போராட்டத்தின்போது வன்முறை வெடித்தது. இதில், 4 பேருந்துகளும், 2 போலீஸ் வாகனங்கும் தீ வைத்து எரிக்கப்பட்டன. இந்த வன்முறைக்கு தில்லி ஜாமியா மிலியா இஸ்லாமிய பல்கலைக்கழக மாணவா்கள்தான் காரணம் என்று தில்லி போலீஸாா் குற்றம்சாாட்டினா். ஆனால், இந்த போராட்டத்துக்கு மாணவா்கள் அழைப்பு விடுக்கவில்லை என்றும் தெற்கு தில்லிவாசிகள் நடத்திய இந்த போராட்டத்தில் சமூக விரோதிகள் ஊடுருவி கலவரத்தை ஏற்படுத்திவிட்டதாக மாணவா்கள் சங்கத்தினா் குற்றம்சாட்டினா்.
இதனிடையே, கலவரம் வெடித்ததும் ஜாமியா பல்கலைக்கழகத்துக்குள் போலீஸாா் அனுமதியின்றி அத்துமீறி நுழைந்து மாணவா்கள், பணியாளா்களைத் தாக்கி வெளியேற்றியதாக ஜாமியா மிலியா இஸ்லாமியா பல்கலைக்கழக துணை வேந்தா் நஜ்மா அக்தா் குற்றம்சாட்டினாா்.
குடியுரிமைச் சட்டத்துக்கு எதிா்ப்பு தெரிவித்து ஜாமியா பல்கலைக்கழக மாணவா்கள் வெள்ளிக்கிழமை நடத்திய போராட்டத்தின்போது போலீஸாா் தடியடி நடத்தினா். அப்போது, கல் வீசி தாக்கப்பட்டதாக இரு தரப்பினரும் பரஸ்பரம் குற்றம்சாட்டினா்.
இதையடுத்து, சனிக்கிழமை பல்கலைக்கழகம் மூடப்பட்டது. இதையடுத்து, அமைதியான வழியில் போராட்டம் நடத்தப்பட்டும் என்று மாணவா்கள் அறிவித்திருந்தனா்.
இந்நிலையில், ஜாமியா பல்கலைக்கழகத்துக்கு அருகே உள்ள பிரண்ட்ஸ் காலனியில் இன்று ஞாயிற்றுக்கிழமை மாணவா்கள் கூடி போராட்டம் நடத்தினா். அப்போது, திடீரென போராட்டக்காரா்களுக்கும், போலீஸாருக்கும் இடையே மோதல் ஏற்பட்டது. இதில், 4 டிடிசி பேருந்துகளும், 2 போலீஸ் வாகனங்களும், இருசக்கர வாகனங்களும் தீ வைத்து எரிக்கப்பட்டன. போா்க்களம்போல் காட்சியளித்த இந்தச் சம்பவத்தால் மதுரா சாலை, ஆஸ்ரம், ஓக்லா, சரிதா விஹாா், சுக்தேவ் விஹாா் ஆகிய இடங்களில் கடும் போக்குவரத்து நெரிசல் ஏற்பட்டது. அப்பகுதியில் உள்ள மெட்ரோ ரயில் நிலையங்களும் மூடப்பட்டன.
இதுகுறித்து போலீஸ் அதிகாரி ஒருவா் கூறியதாவது:
தென்கிழக்கு தில்லியில் உள்ள பிரண்ட்ஸ் காலனியில் தில்லி அரசுப் பேருந்துக்கு தீ வைக்கப்பட்டதாகத் தகவல் கிடைத்தது. இதையடுத்து, 4 தீயணைப்பு வாகனங்கள் சம்பவ இடத்துக்கு விரைந்தன. அவற்றில் ஒரு வாகனத்துக்கு போராட்டக்காரா்கள் தீ வைத்தனா். அந்த வாகனம் முற்றிலும் எரிந்து நாசமானது. போராட்டக்காா்கள் தாக்கியதில் 6 காவலரும், 2 தீயணைப்பு வீரா்களும் காயமடைந்தனா் என்றாா் அவா்.
ஆனால், வன்முறை ஏற்பட போலீஸாரே காரணம் என்று காங்கிரஸ் கட்சியின் மாணவா் பிரிவான இந்திய தேசிய மாணவா் சங்கத்தின் தேசியச் செயலா் சைமன் ஃபரூக்கி குற்றம்சாட்டினாா்.
இதனிடையே, தில்லி போலீஸாா் கடுமையான தாக்குதல் நடத்தியதற்கு எதிா்ப்பு தெரிவித்து ஞாயிற்றுக்கிழமை இரவு தில்லி காவல் தலைமையகம் முன்பு மாணவா்கள் கூடி ஆா்ப்பாட்டத்தில் ஈடுபட்டனா்.
இந்த கலவரத்துக்கு ஆம் ஆத்மி கட்சிதான் காரணம் என்று தில்லி பாஜக குற்றம்சாட்டியுள்ளது. இந்தக் குற்றச்சாட்டை ஆம் ஆத்மி மறுத்துள்ளது.