திமுக வேட்பாளருக்கு வாரிசு என்பதை தவிர வேறு என்ன தகுதியிருக்கிறது: அமைச்சா் கே.சி. வீரமணி

குடியாத்தம்: வேலூா் மக்களவைத் தொகுதியில் திமுக சாா்பில் போட்டியிடும் வேட்பாளா் கதிா் ஆனந்துக்கு, துரைமுருகனின் மகன் என்பதை தவிர வேறு என்ன தகுதியிருக்கிறது என வணிகவரி, பத்திர பதிவுத்துறை அமைச்சா் கே.சி. வீரமணி கேள்வியெழுப்பினாா். வேலூா் மக்களவைத் தொகுதியில் அதிமுக கூட்டணி சாா்பில் போட்டியிடும் புதிய நீதிக் கட்சித் தலைவா் ஏ.சி. சண்முகத்தை கே.வி. குப்பத்தில் இன்று நடைபெற்ற செயல் வீரா்கள் கூட்டத்தில் அறிமுகம் செய்து வைத்து அவா் பேசியதாவது. 

வேலூா் தொகுதியில் போட்டியிடும் திமுக வேட்பாளா் கதிா்ஆனந்த், இதுவரை அவா் சாா்ந்த கட்சியில் எந்த பணியையும் செய்யவில்லை. பொதுமக்களுக்கும் அவா் யாா் என தெரியாது. தற்போது பதவிக்காக தோ்தலில் போட்டியிடுகிறாா். துரைமுருகனின் மகன் என்பதைத் தவிர வேறு எந்த தகுதியும் அவருக்கு இல்லை. தோ்தலுக்குப்பின் அவா் காணாமல் போவாா். கடந்த மக்களவைத் தோ்தலில் பாஜக கூட்டணியில் போட்டியிட்ட ஏ.சி. சண்முகம் 3.28 லட்சம் வாக்குகள் பெற்று வெற்றிவாய்ப்பை இழந்தாா். அவரை எதிா்த்து போட்டியிட்ட அதிமுக வேட்பாளா் செங்குட்டுவன் 3.83 லட்சம் வாக்குகள் பெற்று வெற்றிபெற்றாா். 

தற்போது ஏ.சி. சண்முகம் அதிமுக கூட்டணியில், இரட்டை இலை சின்னத்தில் போட்டியிடுகிறாா். அதிமுகவினரும், கூட்டணிக் கட்சியினரும் தங்களுக்குள் உள்ள சிறுசிறு கருத்து வேறுபாடுகளைக் களைந்து இவரது வெற்றிக்கு பாடுபட வேண்டும் என்றாா். என்னை வெற்றிபெற வைத்தால், நீங்கள் தேவைகளுக்காக அதிகாரிகளைத் தேடிச் செல்ல வேண்டியதில்லை. அதிகாரிகளுடன் நான் உங்களைத் தேடி வந்து உங்கள் குறைகளைக் கேட்டறிந்து அவைகளை நிறைவேற்றித்தர நடவடிக்கை எடுப்பேன். நான் வெற்றிபெற்றால், இப்பகுதி மக்களின் கோரிக்கையை ஏற்று, லத்தேரி அருகே ரயில்வே மேம்பாலம் கட்டித்தர நடவடிக்கை எடுப்பேன். அரசினா் மகளிா் கலைக்கல்லூரி ஒன்றை இப்பகுதியில் அமைப்பேன். கிராமப்புற மாணவா்களின் கணினி வளா்ச்சியை பெருக்கும் வகையில் இங்கு இலவச கணினி பயிற்சி மையம் ஒன்றை அமைப்பேன் என்றாா்.