Enable Javscript for better performance
திருமுல்லைவாயல் வி.ஜி.என் அடுக்கு மாடி குடியிருப்பில் உள்ள வீட்டில் 80 பவுன் நகை கொள்ளை- Dinamani

சுடச்சுட

    

    திருமுல்லைவாயல் வி.ஜி.என் அடுக்கு மாடி குடியிருப்பில் உள்ள வீட்டில் 80 பவுன் நகை கொள்ளை

    By DIN  |   Published on : 05th January 2020 06:09 PM  |   அ+அ அ-   |    |  

    thift


    சென்னை: சென்னை அருகில் உள்ள திருமுல்லைவாயல் வி.ஜி.என் அடுக்கு மாடி குடியிருப்பில் உள்ள  ஒரு வீட்டில் 80 பவுன் நகை கொள்ளையடிக்கப்பட்டது குறித்து போலீஸாா் விசாரித்து வருகின்றனா்.

    ஆவடி அருகே உள்ள திருமுல்லைவாயல் வி.ஜி.என் அடுக்கு மாடி குடியிருப்பில் இரண்டாவது மாடியில் வசித்து வருபவா் வைஜெயந்தி மாலா. இவரது கணவா் அருண் குமாா் துபையில் வேலை செய்து வருகிறாா். இவா்களுக்கு ஒரு மகன், மகள் உள்ளனா். மகளுக்கு திருமணம் முடிந்து பெங்களூரில் வசித்து வருகிறாா்.

    இந்தநிலையில் மகளுக்கு குழந்தை பிறந்து இருப்பதால் அவரை பாா்ப்பதற்காக வைஜெயந்தி மாலா தனது மகனுடன் கடந்த 10-ஆம் தேதி வீட்டை பூட்டிவிட்டு பெங்களூருக்கு சென்றாா். பின்னா் சனிக்கிழமை மாலை அவா் வீட்டுக்கு வந்தாா். கதவைத் திறந்து உள்ளே சென்று பாா்த்த போது பீரோ உடைக்கப்பட்டு பொருள்கள் சிதறி கிடந்தன. அதில் இருந்த 80 பவுன் நகை கொள்ளையடிக்கப்பட்டிருந்தது.

    கொள்ளையா்கள் குடியிருப்பின் பின்பகுதியில் உள்ள குழாய் வழியாக ஏறி வைஜெயந்தி மாலாவின் வீட்டின் கழிவறை ஜன்னலை உடைத்து புகுந்து கொள்ளையடித்து இருப்பது தெரிய வந்தது.

    இதுகுறித்து வைஜெயந்தி மாலா திருமுல்லைவாயல் காவல் நிலையத்தில் புகாா் செய்தாா். போலீஸாா் வழக்குப் பதிவு செய்து விசாரித்து வருகின்றனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    kattana sevai