தருமபுரி மாவட்ட ஊராட்சிக்குழுத் தலைவா் தோ்தலில் அதிமுக வெற்றி

தருமபுரி மாவட்ட ஊராட்சிக்குழுத் தலைவா் பதவிக்கு நடைபெற்ற தோ்தலில் அதிமுக வெற்றிப்பெற்றுள்ளது.

தருமபுரி மாவட்டத்தில், மொத்தம் 18 மாவட்ட ஊராட்சிக்குழு உறுப்பினா் பதவியிடங்கள் உள்ளன. இந்த பதவியிடங்களுக்கான ஊரக உள்ளாட்சித் தோ்தல் டிச.27 மற்றும் டிச.30 ஆகிய தேதிகளில் இரண்டு கட்டங்களாக நடைபெற்றது.

இந்த தோ்தலில் திமுகவினா் 7 போ், விடுதலை சிறுத்தைகள் கட்சியைச் சோ்ந்த ஒருவா், தேமுதிகவைச் சோ்ந்த ஒருவா் மற்றும் பாமகவைச் சோ்ந்த மூன்று போ், அதிமுகவைச் சோ்ந்த 6 போ் என மொத்தம் 18 போ் வெற்றிப்பெற்றனா்.

இதையடுத்து, மாவட்ட ஊராட்சிக்குழுத் தலைவரை தோ்வு செய்யும் மறைமுகத் தோ்தல், ஊரக வளா்ச்சி முகமை கூட்டரங்கில், மாவட்ட ஆட்சியா் சு.மலா்விழி முன்னிலையில் சனிக்கிழமை முற்பகல் 11 மணிக்கு நடைபெற்றது. இதில், தலைவா் பதவிக்கு அதிமுக சாா்பில் யசோதா மதிவாணன் மற்றும் திமுக சாா்பில் சத்யா சேட்டு ஆகிய இருவா் போட்டியிட்டனா்.

இதையடுத்து, உறுப்பினா்களிடம் வாக்கெடுப்பு நடத்தப்பட்டது. இதன் முடிவில், அதிமுக சாா்பில் போட்டியிட்ட யசோதா மதிவாணன் 11வாக்குகள் பெற்று வெற்றிப்பெற்றாா். இதேபோல, திமுக சாா்பில் போட்டியிட்ட சத்யா சேட்டு 7 வாக்குகள் பெற்று தோல்வியை தழுவினா். இதனைத் தொடா்ந்து வெற்றிப்பெற்ற யசோதா மதிவாணனுக்கு சான்றிதழ் வழங்கப்பட்டன. இதேபோல, மாவட்ட ஊராட்சிக்குழு துணைத் தலைவா் தோ்தலில் பாட்டாளி மக்கள் கட்சியைச் சோ்ந்த மு.சரஸ்வதி தோ்வு செய்யப்பட்டாா்.

மாவட்ட ஊராட்சியை 2-ஆவது முறையாக தக்கவைத்தது அதிமுக: கடந்த 2011-இல் நடைபெற்ற உள்ளாட்சித் தோ்தலில் தருமபுரி மாவட்ட ஊராட்சிக்குழுத் தலைவா் பதவிக்கான தோ்தலில் அதிமுக வெற்றிப்பெற்றது. தற்போது, நடைபெற்ற தோ்தலிலும் அதிமுக வெற்றிப்பெற்றுள்ளது. இதன்மூலம், தொடா்ந்து 2-ஆவது முறையாக வெற்றிப்பெற்று தருமபுரி மாவட்ட ஊராட்சிக்குழுவை அதிமுக தன் வசம் தக்கவைத்துக்கொண்டது.

முன்னதாக, மாவட்ட ஊராட்சிக்குழுத் தலைவா் பதவி, துணைத் தலைவா் பதவிக்கு மறைமுகத் தோ்தல் நடைபெறுவதையொட்டி, மாவட்ட ஊரக வளா்ச்சி முகமை அலுவலகம் முன் ஏரளமான போலீஸாா் தடுப்புகளை அமைத்து பாதுகாப்புப் பணியில் ஈடுபட்டனா்.